Dayanara ipararanas sa dalawang anak ang Pilipinas

Ang 1993 Miss Universe na si Dayanara Torres ang unang naging asawa ng sikat na Latin American singer na si Marc Anthony (Muniz) at nagkaroon sila ng dalawang anak, sina Christian at Ryan.

Ngayong balik-showbiz si Danayara sa Pilipinas, mabawi kaya niya ang kanyang tag na Dan­cing Queen noong 90’s?

Hinding-hindi makakalimutan ni Dayanara ang Pilipinas dahil dito nagsimula ang kanyang career matapos niyang ipasa ang Miss Universe crown sa 1994 Miss Universe na si Sushmita Sen.

Dahil kinu-consider ni Danayara na second home ang Pilipinas, gusto niyang dalhin dito ang kanyang dalawang teenage sons para maranasan din nila ang warm hospitality ng mga Pinoy at maitindihan kung bakit gustong-gusto niya ang Pilipinas.

Sarah mas pinili si John Lloyd

Ang tambalan nina John Lloyd Cruz at Sarah Geronimo ay isa sa mga successful movie pair na nagsimula in 2006 nang magsama ang dalawa sa Kwintas episode ng Maalaala Mo Kaya. Ito’y nasundan ng una nilang tambalan sa pelikula sa pamamagitan ng A Very Special Love in 2008 at kumita ng halos P180-M.

In 2009, muling nagtambal ang dalawa sa pelikulang You Changed My Life na kumita ng mahigit P225.5-M sa takilya. Nakamahigit P200-M din ang kanilang pangatlong tambalan in 2013, ang It Takes A Man and  A Woman.

After almost four years, muling magtatambal sina John Lloyd at Sarah under Star Cinema in co-production with Viva Films.

Sa tatlong naunang pelikula ay tangan pa rin nila ang kanilang pinasikat na characters bilang sina Miggy Montenegro (JLC) at Laida Magtalas (Sarah).

Kung balik-tambalan sa pelikula sina John Lloyd at Sarah, ang nobyo naman ni Sarah na si Matteo Guidicelli ay may bagong movie na sisimulan, ang first horror movie niyang Ghost Bride na pagtatambalan nila ni Kim Chiu at nakatakdang idirek ni Chito Roño.

Kamakailan lamang ay napanood si Matteo sa pelikulang Across the Crescent Moon na pinagtambalan nila ng kanyang ex-girlfriend na si Alex Godinez, pamangkin ng Concert King na si Martin Nievera.

Bagong dance video ni Ella nag-viral

Dance Teen Princess Ella Cruz is back sa pagiging viral ng mga pino-post niyang dance videos na kanyang sinimulan noon sa sarili niyang version ng hit song na Twerk It Like Miley. Naging viral ito sa YouTube at nakakuha ng mahigit 10-M views. Sumunod dito ang Worth It at Trumpets at ang pinaka-latest ay ang Versace On The Floor ni Bruno Mars kung saan niya kasama sa dance floor ang teen actor na si Julian Trono.

Hinding-hindi rin makakalimutan ng Viva teen actress ang kanyang experience na makilala at pagkakasali sa dance video ng sikat na American singer na si Dawin sa hit song na Dessert na shinoot sa Pilipinas.

Bukod sa pagiging mahusay na dancer ni Ella, looking forward siya sa isang panibagong teleserye tulad ng kanyang ginawa sa Bagito ng ABS-CBN in 2014 na pinagsamahan nila nina Nash Aguas at Alexa Ilacad.