Pia aawrang judge sa America’s Next Top Model! Bianca Manalo na-hulicam!

Seen: Hulicam si Bianca Manalo na text nang text sa cellphone niya habang nagaganap ang Miss Globe 2016 sa Tirane, Albania. Lumipad si Bianca sa Albania bilang suporta sa kanyang kapatid  na si Nichole Manalo, ang official representative ng Pilipinas sa Miss Globe 2016 na na ginanap noong Sabado.

Scene: Binago ng Miss Globe Organization ang resulta ng Miss Globe 2016 dahil idineklara nila na si Nichole Manalo at hindi si Miss South Africa  ang 3rd runner up. Top 10 lamang si Nichole sa coronation night ng Miss Globe.

Seen: Trip to Brazil ang Christmas gift ni Fabio Ide sa kanyang girlfriend na si Bianca Manalo, ang babae na gusto niya na makasama sa habambuhay.

Scene: Ni-release na ng CineKo Productions at Viva Films ang official trailer ng Mang Kepweng Returns, ang fantasy/comedy movie ni Vhong Navarro na naitsa-pwera sa Metro Manila Film Festival 2016. Balak ng mga producer ng Mang Kepweng Returns na ipalabas ito sa mga sinehan sa  susunod na buwan.

Scene: Guest judge sa pilot episode at hindi host ng America’s Next Top Model Cycle 5 si Miss Universe Pia Wurtzbach.

Seen: Extended sa mga sinehan ang The Unmarried Wife ng Star Cinema na ipinagmamalaki na umabot na sa P170 million ang box office gross ng pelikula nina Angelica Panganiban, Paulo Avelino at Dingdong Dantes.

Scene: Ang banta ni Claudine Barretto na sasampahan niya ng kaso ang mga tao na nanakit kay Santino, ang 10-year old son nila ni Raymart Santiago. Sukdulan ang galit ni Claudine dahil baka raw mapatay nito ang mga nanakit kay Santino kapag nakaharap niya.