CEBU, Philippines - “The New Number One!”
Malipayong gitaho sa assistant manager sa Brigada News FM- 93.1 Cebu nga si Chester Abadilla nga sila na karon ang numero uno sa survey, base sa fourth quarter sa KBP and Kantar Media Radio Studies Result.
Suma pa ni Abadilla nga niresulta gyud ang tulo ka tuig nila nga paningkamot aron lang gyud mahatod ang importanteng kasayuran ngadto sa publiko.
“Dinhi man gud sa Brigada, balanse ang gidalit namo sa atong listeners, naa ta’y mga news program, naa pud ta’y mga music,’ matud pa ni Abadilla.
Nakatabang usab matud pa ang mga kalihokan nila sa nagkadaiyang barangay sama sa karaoke challenge, medical mission ug uban pa.
Matud pa ni Abadilla nga ni-click gyud ang tandem nila ni Atty. Juril Patiño ug Carlo Dugaduga nga mag-debate sa nagkadaiyang isyu.
Nisamot pa gyud pag-abot ni Dj Randi nga tigtambag matag hapon.
Basi sa gimantala sa Brigada News FM sa ilang Facebook page, mao ni ang ranking:
KBP Kantar Media Radio Studies Result (4th Quarter Metro Cebu)
FM Category:
1.) 93.1 BRIGADA NEWS FM (21.85%)
2.) 97.1 Mor (15.52%)
3.) 99.5 Barangay RT (13.36%)
4.) 107.5 Win Radio (11.19%)
5.) 93.9 iFM (10.21%)
6.)91.5 Yes FM (10.11%)
7.) 97.9 Love Radio (4.43%)
8.) 102.7 Easy Rock (3.77%)
9.) 95.5 Star FM (2.69%)
10.) 94.7 Energy FM (2.62%)
Samtang kun sungagon ang FM ug AM stations, mugawas kining maong Over-all Topline Ranking:
1.) DYHP RMN 612khz AM- 27.55%,
2.) BRIGADA NEWS FM 93.1- 21.85%,
3.) Mor 97.1FM- 15.52,
4.) Barangay RT 99.5FM- 13.36%,
5.) Super Radyo DYSS 999khz AM- 11.92%,
6.) Win Radio 107.5FM- 11.19%,
7.) iFM RMN 93.9FM- 10.21%,
8.) Yes FM 91.5FM- 10.11%. (BANAT NEWS)