CEBU, Philippines - Giangkon sa kanhi Sexbomb dancer nga si Louise Bolton nga nahigugma siya sa usa ka 19 anyos nga babaye.
Ang maong babaye ginganlan og Danielle Padilla nga maoy nakapapitik sa iyang kasingkasing karong panahona.
Matud pa ni Louise nga gipili niya nga mabulgar ang ilang relasyon ngadto sa publiko gumikan kay mas importante ang iyang gibati ngadto kang Natalie kaysa sa iyang karera.
"Sabi ko, hindi. Kasi kung mahal ka talaga ng mga sumusuporta na mga fans mo, kahit anong gawin mo, tanggap ka nila. So kung may magba-bash man, hindi ko mga followers yun", suma pa ni Louise.
Duha ka buwan na nga nagpuyo ang duha ug aduna usab sila'y plano nga magkaanak gamit ang pinangayo nga sperm sa igsuong lalaki ni Natalie.
Denise gitaptan og Cyst
Gibutyag sa aktres nga si Denise Laurel nga stress ang nakaingon kung ngano adunay niturok nga mga cyst sa nagkalain-laing parte sa iyang lawas.
"They found a mass in my breast, my lymph nodes and in my ovaries," suma pa sa singer-actress.
Matud pa niya nga aduna siya'y mga gipamati sa iyang lawas sa dihang nagpadayon pa siya sa iyang pagsalmot sa Your Face Sounds Familiar kung diin siya ang nakadaog sa maong show.
"I couldn't understand because I was so healthy, I was working out, I was doing soap and Your Face at the same time, pero I was gaining weight", saysay pa ni Denise.
Giangkon usab niya wala pa siya moagi og operasyon gumikan kay makaguba kini sa sistema sa iyang lawas apan padayun gihapon ang iyang pagpaayo pinaagi sa pag-ilis sa iyang lifestyle sama sa dili pagkaon og tam-is ug ang kanunay nga pagpahuway. (BANAT NEWS)