Ivan nakumbinser ni James

CEBU, Philippines - Gipasalamatan sa bag-ong Kapuso star nga si Ivan Dorschner ang iyang higala nga si James Reid tungod kay mao kini ang nikumbinsir kaniya nga mobalik sa showbiz. Kahinumduman nga nisalmot kaniadto si Ivan sa sikat nga reality show nga Pinoy Big Brother  sa ABS-CBN apan nanimpad kini sa laing nasud aron pangitaon ang iyang kapalaran. Matud pa ni Ivan nga giistoryaan siya ni James nga mosuway pagbalik dinhi sa Pilipinas. Malipayon usab siya gumikan kay sa pagbalik niya dinhi sa nasud, ang Kapuso network maoy adunay  labing hugyaw  nga tanyag alang kaniya.

Early Christmas Gift

Mapasalamaton ang grupong 4th Impact ngadto kang Willie Revillame tungod kay gihatagan sila og 1 million  aron mopalit og kaugalingong sakyanan. Ang magsuong  Almira, Celina, Irene ug Mylene Cercado nahimong guest players sa Mega Jackpot round sa show ni Willie nga Wowowin.

Andam mahimong amahan

Gibutyag ni  Zanjoe Marudo nga dili na siya makahuwat nga mamahimong usa ka amahan. Matud pa niya nga masuya siya kun aduna siya’y makita nga lalaki  nga magbitbit og kaugalingong anak.  “Ako nga sa pamangkin ko pa lang, tuwang-tuwa na ako eh. What more kung akin pa talaga di ba? Pero habang wala pa, hindi pa darating, ini-enjoy ko muna itong mga anak ko sa teleserye”, suma pa ni Zanjoe.

Kim gipangandoy ni Rocco

Giangkon sa  Kapuso Star nga si Rocco Nacino nga aduna siya’y nataypan  nga pipila ka Kapamilya stars . Usa si  Kim Chiu nga  iyang ginganlan nga crush  kaayo niya. Matud pa niya nga  gawas nga chinita ug gwapa na si Kim, pareho usab sila nga kahibaw sa lengwahi nga Mandarin. Suma pa niya nga nagkita na sila niini kaniadto sa usa ka fashion show. Nagmalaumon usab si Rocco nga makatrabaho niya ang aktres sa usa ka proyekto.

Non-showbiz ang gusto

Single gihapon ang status karon sa aktor nga si JC de Vera. Matud pa niya nga daghan siya og giatiman karon ug kinahanglan pa una niya nga manginabuhi. Kung makauyab ang aktor, seguradoon niya nga dili taga showbiz aron malayo sila sa nagkadaiyang isyu. 

Nagkita na gyud

Wala magdahum ang Encantadia star nga si Mikee Quintos nga magkita sila sa iyang celebrity-look-alike nga si Antoinette Taus sa usa ka nail salon. Nasurprisa pag-ayo si Mikee gumikan kay mao kini ang iyang gihuwat nga hugna nga mag-abot sila gumikan kay daghan ang nag-ingon nga pareha sila og dagway.

Nakauyon ni Joshua

Gidayeg sa aktres nga si Mae Paner ang pag-arte ni Joshua Garcia sa pelikula sa Star Cinema nga Vince & Kath & James nga usa sa mga napiliang entry sa MMFF karong tuiga. Matud pa ni Mae nga gikilig siya ni Joshua bisan og wala pa siya makaila niini sa personal.  Nabatyagan usab ni Mae ang potensiyal ni  Joshua nga mahimong usa ka sikat nga artista puhon tungod kay maayo kini moarte. “ Maniwala ka pagkatapos ng pelikulang ito, magiging big star siya”, suma pa ni Mae.

Okay lang

Tsika pa ni Janice de Belen nga maayo ra ang ilang panagtagad sa iyang kanhi nga bana nga si John Estrada. “Okay na kami… hindi kami magkagalit, hindi kami nagbabangayan… unang-una matatanda na kami”, suma pa ni Janice.

Bilib kang Angelica

Diretso nga gitubag sa aktres nga si Angelica Panganiban ang mga pangutana ni Boy Abunda atol sa iyang paglugwa  sa Tonight with Boy Abunda. Walay daghang kuti ang mga tubag sa aktres kung diin mao kini ang gikabiliban ni Boy. Naila ang aktres  sa iyang pagka-prangka .

Espesyal ang lugar

Napuno ang Alonte Sports Arena sa Laguna  kung diin gilingaw ni Alden Richards ug sa iyang kauban sa showbiz nga sila si  Janine Gutierrez, Juancho Trivino, Jeric Gonzales atol sa pagsaulog sa ika-25 nga anibersaryo sa usa ka clothing brand nga ilang gi-endorso. Nahimong espesyal alang kang Alden ang Laguna gumikan kay sa maong dapit siya nagtubo ug didto usab siya nadiskubre sa iyang kanhi  talent manager. Mapasalamaton usab siya sa tanan niya nga kababayan tungod kay wala kini hunong sa pagsuporta ngadto kaniya.

Andam mag-komedyante

Malipayon sila si McCoy de Leon ug Elisse Joson sa mga talagsaon nga shows nga ilang nasalmutan ilabi na sa ilang pag-guest sa Banana Sundae atol sa pagsaulog niini sa ikawalo ka tuig nga anibersaryo.  Andam usab sila sa posibilidad nga mamahimong regular sa maong gag show. Dugang pa ni McCoy nga willing siya magkat-on nga mahimong komedyante kung hatagan sila og parte sa maong  programa. (BANAT NEWS)