CEBU, Philippines – Padayong gipaila-ila dinhi sa Banat News Hugyaw ang mga kandidata sa Reina Diosa 2016 nga gidumala ni Rodel Silva sa Moonwalk Cebu Productions. Karong adlaw atong himamaton si Diosa Asteria, candidate number 10.
Mao kini ang indigay nga nag-promote sa katungod sa lesbian, gay, bisexual, and transgender (LGBT) community.
Ang Grand Coronation Night mahitabo na karong Nobiyembre 13 sa alas 7 sa gabii sa Mariner’s Court.
Name : Kinley Chayada (Asteria)
Previous Title : Universal Queen Labangon
Motto: If You Can Dream it then you can Do it
Banat News Hugyaw: Uyon ka bas a panultion nga LGBT right is also a human rights? Ngano man?
Kinley: Yes I agree, kay kun mohisgot kita’g human rights nakatutok na kini siya sa kadaghanan or gi- generalize na kini siya sa tanan nga nasyonalidad, kolor sa panit or kun unsa man imong pag tan-aw sa imong kaugalingon, mabayot man o dili. Busa kitang tanan angay i- respito.
Banat News Hugyaw: Kun usa ka ka Encantada,unsa nga gahom ang imong gusto ug ngano man?
Kinley: Kung mahimo kung usa ka encantada, usa ko ka encatada sa tubig nga naghatag og kinabuhi dinhi sa kalibutan! Sama sa usa ka transgender nga naghatag og kalipay sa mga tawo dinhi sa kalibutan
Banat News Hugyaw: Unsa’y imong buhaton nga masulbad ang problema kabahin sa mga netizen nga mag-post og mga sayop nga kasayoran sa nagkadaiyang social media sites?
Kinley: As a member of this society, dili ko kapahunong sa mga tawo sa pag- post og sayop nga kasayoran. Dili sa akong kamot, sa imong kamot, o bisan kinsa man. Apan puwedi ta maka-educate sa mga tawo nga kining pag- post og dili mao nga kasayoran kay dako kining sayop ug pwedi kining mahimong resulta sa dakong gubot sa atong nasud.