Cloie Skarne pinagkaguluhan sa Miss Earth dahil kay KC; Direk Soxie Topacio nangangailangan ng tulong

SEEN: Napahiya ang has-been come­dienne/singer na si Cynthia Patag dahil walang bahid ng katotohanan ang ikinalat niya na tsismis na biktima ng anti-illegal drug war ni President Rodrigo Duterte ang asawa ng former singer na si Iwi Laurel na humiling na irespeto ang pagdadalamhati ng kanyang pamilya.

SCENE: Hindi lamang si Cynthia Patag ang nagbahagi ng mali at unfair na balita tungkol sa pumanaw na asawa ni Iwi Laurel dahil may pananagutan din umano si Lydia Paredes, ang asawa ni Jim Paredes na kilalang anti-Duterte.

SEEN: Ang benefit show bukas, October 19, sa The Library Manila para sa direktor na si Soxie Topacio  na nakikipaglaban sa kanyang karamdaman.

SCENE: Si Cloie Skarne ang pinaka-popular na kandidata ng Miss Earth 2016 dahil siya ang pinagkaguluhan nang bumisita sa Davao City ang mga contestant. Malaki ang dapat ipagpasalamat ni Cloie sa kanyang biological father na si Gabby Concepcion at half-sister na si KC dahil sa instant popularity niya.

SEEN: Makikilala na ngayong gabi sa Encantadia ng GMA 7 ang aktres na gumaganap na Lila Sari. Matagal nang hinihintay ng Encantadia fans na makita ang mukha ni Lila Sari na nakatago sa likod ng maskara.

SCENE: Nadagdagan ang fans ni Grae Fernandez buhat nang makulong ang kanyang ama na si Mark Anthony Fernandez na nahulihan ng isang kilo ng marijuana. Nakuha ni Grae ang simpatiya ng mga tagahanga ng tatay niya.

SCENE: Makakatulong ang Cannes best actress award ni Jaclyn Jose para mapansin ang Ma’ Rosa sa selection ng mga finalist sa best foreign language film category ng Academy Awards.