Dating child star na si John Wayne Sace hindi napuruhan ng riding in tandem!

SEEN: Ligtas na sa kapahamakan ang aktor na si John Wayne Sace na binaril sa Pasig City noong Lunes na gabi pero namatay ang kanyang kaibigan na si Erik Sabino. Sa report ng Pasig City Police, pinaghihinalaan na mga drug pusher at drug user ang mga biktima.

SCENE: Hiwalay sa asawa at may isang anak si John Wayne Sace na inamin noong nakaraang taon ang paggamit niya ng illegal drugs.

SEEN: Isang daan ang bilang ng nakakulong sa selda na para lamang sa dalawampung tao ang kinalalagyan ni Mark Anthony Fernandez. Siksikan ang mga preso kapag natutulog dahil sa kawalan ng espasyo.

SCENE:  Dapat sundin ni Allen Abrenica ang payo nina Vice Ganda at Aga Muhlach na ipagpatuloy at tapusin niya ang pag-aaral.  Laglag si Allen sa auditions ng Pinoy Boy Band Superstar ng ABS-CBN. Hindi star material si Allen kaya mahihirapan siya na sundan ang yapak ng kanyang Kuya Aljur Abrenica.

SEEN: Sa November 2 ang playdate ng The Escort, ang pelikula nina Lovi Poe, Derek Ramsay at Christopher de Leon sa Regal Entertainment Inc. Sizzling ang mga love scene nina Lovi at Derek sa The Escort.

SCENE: Naririto sa bansa si Jenny Syquia dahil susuportahan niya ang anak na si Cloie Skarne sa laban nito sa Miss Earth 2016 sa October 29.

SEEN: “Congratulations! I am so proud of you” ang mensahe ni Macky Mathay sa isang acting nomination ni Sunshine Cruz. Si Macky ang half-brother ni Ara Mina na rumored boyfriend ngayon ni Sunshine.

SCENE: Tikom pa ang bibig ni Sunshine Cruz tungkol sa tunay na estado ng relasyon nila ni Macky Mathay na kapareho niya na hiwalay sa asawa at may mga anak. Anak ni Congressman Rudy Fariñas si Camille, ang misis ni Macky.