Churva Mipasaka og reklamo

CEBU, Philippines - Gipasakaan og reklamo ni Annabelle Rama ang iyang kanhi  staff nga si John Jet Gonzales gumikan kay matud pa gidagan niini ang iyang salapi nga iyaha unta nga ipadeposito alang sa iyang anak nga si Ruffa Guttierez.  “Nagreklamo ang staff ko at production crew, hindi pala niya binibigay ang budget for food allowance. Baka binibigay nya sa mga lalaki niya,” suma pa sa Instagram post ni Annabelle.

Mark Neumann giuslan sa TV5

Malakip sa usa ka episode sa programang Karelasyon sa GMA-7 ang TV5 star nga si Mark Neumann.  Gipahimuslan ni Mark ang maayong opurtunidad nga gihatag sa GMA-7, samtang nagpaabot pa siya og bag-ong proyekto sa TV5.

Naayo sa marijuana

Gibutyag ni Tom Rodriguez nga niarang-arang ang pamati sa iyang masakiton nga amahan gumikan sa medical marijuana . Nagbase sa laing nasud ang iyang amahan.  “I am in favor of using medical marijuana for treatment because it’s saving my dad’s life. ‘Pag nagke-chemo siya, walang side effect sa kanya. Hindi pa aprubado sa Pilipinas ‘yun, kaya hindi ko pa siya mauwi which is good dahil wala pa akong nabiling bahay sa Subic for my parents, nag-iipon pa ako,” suma pa sa aktor.

Ara nakadawat na

Nadawat na ni Ara Mina nga ang kamatuoran nga friends na lang gyud sila ni Patrick Meneses.  Magkita gihapon ang kanhi mag-uyab gumikan sa ilang anak nga si Amanda Gabriel.

Yen gisakitan og maayo

Giangkon ni Yen Santos nga ang breakup nila kaniadto ni Jason Abalos maoy labing sakit nga iyang gibati kumpara sa nangagi niya nga mga uyab.   Daghan hinuon og nakat-onan si Yen  ilabi na sa pamaagi sa paghupot og usa ka relasyon.

Hilom nga motabang

Hilom nga motabang si Vice Ganda sa mga tawong nanginahanglan.  Dili kaayo magsaba-saba ang TV host kung duna siya’y tawo nga tabangan.

Gi-train og maayo

Gipaubos nga lapad nga workshop si Jennylyn alang sa iyang pag-host sa Superstar Duets.   Nagsugod na kagabii ang maong show sa GMA-7. Ang mga hurado sa maong show naglangkob nila ni  Allan K, Aicelle Santos, ug  Christian Bautista.

Chemistry milutaw

Gipakita na ang teaser sa  upcoming television drama series  nila ni Jericho Rosales ug  Arci Muñoz sa miaging adlaw.

Ang maong serye nag-ulohan og “Magpahanggang Wakas”   ug magsilbing third party nila mao si John Estrada.

Nakadawat og mga positi-bong feedback ang teaser niini ug pipila niini ang nilenggua nga nilutaw gyud ang maayong chemistry nila ni Arci ug Echo.