CEBU, Philippines - Tsika pa ni Piolo Pascual nga kada tuig gyud siya magpa-drug test gumikan kay tipik kini sa iyang obligasyon sa giindorsar niya nga insurance company. Suportado sa aktor ang kampanya sa gobiyerno batok sa ginadiling drugas.
Modelo sa kabatan-onan
Gikatahong himoon nga ambassador si Miguel Tanfelix sa United Nations Population Fund (UNFPA) alang sa kabatan-onan. Kahinumdoman nga nibisita si Miguel sa miaging adlaw sa buhatan sa United Nations.
Dili pa andam
Tsika pa ni Katrina Halili nga wala siya’y salig sa iyang kaugalingon kung mosulod siya og usa ka relasyon. Usa kini sa mga rason nga dili pa siya andam mosulod sa maong butang.
Pasakitan lang
Nakaingon si Andi Eigenmann nga gusto lang gyud ni Jake Ejercito nga pasakitan ang iyang kinabuhi. Panghinaot ni Andi nga mohunong na ang iyang ex-boyfriend sa pagsulti og bati nga pulong ngadto kaniya.
Tinud-anay gyud
Nakita gyud sa anak ni Ai-Ai delas Alas nga si Sancho kung unsa kasensiro si Gerald Sibayan ngadto sa iyang inahan. Gipasigarbo ni Sancho si Gerald gumikan kay naningkamot gyud kini nga makahuman sa pagtungha ug naghuna-huna gyud kini sa kaugmaon nila ni Ai Ai. Nakahuman si Gerald sa kursong Sports Management sa De La Salle University (DLSU). Sa maong sitwasyon, makuhaan na ang bashers ni Gerald.
Pinulot Ka Lang Sa Lupa
Sila si Julie Anne San Jose ug Benjamin Alves maoy magpares sa TV remake sa Pinulot Ka Lang Sa Lupa. Makauban nila ni Julie Anne ug Benjamin sa maong serye sila si LJ Reyes, Martin del Rosario, Jean Garcia, Ara Mina, ug Victor Neri. Gidungog ang duha nga duna’y espesyal nga relasyon. Gibase kini sa pelikula nila ni Maricel Soriano, Lorna Tolentino ug Gabby Concepcion niadtong 1987.
Target ni IÑigo
Target ni Iñigo Pascual nga makauban niya puhon ang iyang amahan nga si Piolo Pascual sa usa sa mga unod sa iyang upcoming album. Plano usab niya nga ikauban sa uban niya nga kanta sila si KZ Tandingan, Sam Concepcion, ug James R.
Todo eskwela
Gamay na lang ang nahibilin nga panahon, ug maangkon na gyud ni Winwyn Marquez ang iyang Master’s degree. Ganado matud pa si Winwyn sa pagtungha gumikan sa iyang boyfriend nga si Mark Herras.
Mapaubsanon gihapon
Nakita gyud ni Aiko Melendez kung unsa ka buotan ug mapaubsanon sila si Daniel Padilla ug Kathryn Bernardo. Nalakip si Aiko sa pelikula nga Barcelona: A Love Untold nga gibidahan sa Kathniel.
Talk show alang kang Kris?
Miulbo ang hungihong nga usa ka morning talk show sa GMA-7 ang umaabot nga proyekto ni Kris Aquino sa APT Entertainment. Giingong gisugdan na ang preparasyon niini, apan pabilin gihapon nga tak-om ang APT sa maong report.