Churva nakabalik na gyud

CEBU, Philippines - Malipayon si Miles Ocampo human siya nakabalik sa sitcom nga  Home Sweetie Home . Kahinumduman nga nakapahuway siya sa maong programa tungod sa  seryeng  And I Love You So .

Daghan og gitanyag

Gibutyag ni Kristine Hermosa nga aduna siya’y daghang offer nga nadawat gikan sa ABS-CBN sa una apan wala kini niya dawata.Matud pa ni Kristine nga dili siya ganahan og proyekto nga makaapektar sa iyang oras sa pamilya ug sa iyang responsibilidad isip inahan ug asawa. Kontento na karon ang aktres sa usa ka sitcom sa GMA-7.

Duna gihapo’y  forever

Bisan pa og buwag na si Ciara Sotto sa iyang bana nga si Joe Oconer, motoo  gihapon ang aktres og “ forever”   tungod sa iyang amahan nga si Sen. Tito Sotto. Atol sa  Father’s Day , nagpasalamat ang aktres  sa iyang amahan sa pag-atiman  kaniya ug sa iyang anak nga si Crixus. Ang pulong nga “forever” ma-apply gihapon matud pa sa mga tawong importante sa iyang kinabuhi.

Proud sa hinigugma

Gipasigarbo ni Ruffa Mae Quinto sa iyang hinigugma nga si  Trevor Magallanes tungod sa achievements niini sa edukasyon.Si Trevor migradwar  nga Cum laude sa University of San Francisco, School of Management niadtong December 2014 ug mialagad sa  United States Air Force gikan sa 2005 hangtud sa 2009 isip usa ka Imagery Analyst and UAV Sensor operator. “Im so proud of my fiancé ... I had to post this so people will get to know why I, Booba, chose you. Yes! he is from the air force, accountant, sales, financial analyst, cum laude . Dean’s honorable lister... I love you for being smart, wise, and sexy hottie, full of patience and kind . we are super todo na to multi tasking baby... I love you for loving me and respect, trust. Stay sexy”, tipik sa mensahe ni Ruffa Mae kang Trevor.

Daghang anak ang target

Sa pagsaulog sa Father’s Day,gihulagway sa first timer nga si Dingdong Dantes ang pagsaulog nila niini  isip ‘an afternoon well-spent’ kuyog ang iyang asawa nga si Marian Rivera-Dantes ug ang ilang anak nga si Maria Letizia.Matud pa ni Dingdong nga mahimo pa siya makakarga og  tulo ka chikiting puhon.

Hapit mahubo

Hapit makasinati si Vice Ganda og wardrobe malfunction sa It’s Showtime samtang nagsayaw-sayaw. Dihang nagpatukar ang DJ og I Wanna Dance With Somebody misayaw ang host apan mikalit lang kini og duko aron ayuhon ang zipper. Mikalit og off screen ang iyang co-host nga si Anne Curtis tungod dili niya mapugngan ang iyang katawa dihang gibuhat kini ni Vice. Matud pa sa host nga feeling niya nidaot siya.

Tinagoang talento

Milusad sa ilang  Youtube Channel ang mga anak ni Janno Gibbs ug Bing Loyzaga nga sila si  Alyssa ug Gabs Gibbs.  Ang duha ka managsuon puros mga  blogger ug fashionista hinungdan nga naghimo sila niini aron i-share sa  netizens ang tips sa pagpa-anyag. Ang unang video nga gipagawas sa duha gitawag og “The Gibbs guide to: The perfect brows” diin ilang gipakita kun unsaon ang pag- achieve ang perfect set sa  eyebrows.

Mapasalamaton kang Paolo

Mihatag og mensahe si LJ Reyes sa iyang rumored boyfriend nga si Paolo Contis niadtong Father’s Day.Suma pa ni LJ nga mapasalamaton siya kang Paolo sa kamaayo niini.”A lot of people do not know how much love you can give! I pray that one day in God’s time, you may be able to express that love in so much more opportunities. Thank you for so many things! Happy Father’s Day!”, mensahe pa sa aktres  kang Paolo.