Wala’y pugsanay

CEBU, Philippines - Giangkon sa duha ka anak ni Boxing Champ Manny Pacquiao nga sila si Jemuel ug Michael nga wala sila gipugos sa ilang inahan nga si Jinkee Pacquiao aron mahimong endorser sa sikat nga clothing brand ug spa  business. Matud pa sa maguwang nga si Michael gikulbaan siya sa maong pictorial gumikan kay wala kaayo sila’y pagpangandam nga gihimo.

Nag-adjust sa panahon

Gipadayag ni  Kira Balinger kinsa nagdala sa papel nga Caitlyn nga half-sister ni Kim Chiu sa seryeng  The Story Of Us nga mapasalamaton siya sa Star Magic sa gihatag nga proyekto kaniya.  Dugang pa niini   aduna siya’y adjustment nga gihimo para sa iyang unang proyekto ilabi na sa  dagan sa panahon sanglit nagdako siya sa United Kingdom.

Midepensa sa igsuon

Gihimakak ni Paolo Gumabao nga ang iyang igsoon nga si Marco Gumabao ang  naa sa nude photo nga nag- viral sa internet. Matud pa ni Paolo nga pagkakita niya sa litrato naka-ingon siya nga dili kini iyang igsoon ug  klaro kaayo nga edited kini.  Matud pa niya nga grabe na kaayo ang teknolohiya karong panahona gumikan kay dali ra kaayo ang pag-edit og hulagway.

Dream house

Gikompirmar ni Pauleen Luna-Sotto nga mamalhin na sila ni Vic Sotto karong adlawa sa ilang bag-ong balay  sa Laguna. Matud pa ni Pauleen nga naabtan og usa ka tuig una sila nakabalhin tungod sa daghang gi-usab. Ang balay adunay gidak-on 1,200 sq meters ug upat ang kwarto niini.

Lingaw ikauban

Tsika pa ni Soleen Heussaff nga  lingaw gyud si Iya Villania ikauban og show.  Giangkon ni Soleen nga nakiwawan siya kaniadto sa unang adlaw sa ilang panag-uban sa Taste Buddies apan pag-abot og pipila ka adlaw, nagkasuod dayon silang duha. 

Gusto og bag-o

Giklaro  ni Kristine Hermosa nga wala na siya’y kontrata sa Kapamilya network hinungdan nga wala’y problema ang pagtikang niya sa  GMA pinaagi sa usa ka comedy show. Una na nga gibutyag sa aktres nga gusto niya nga mosuway og laing proyekto  ug dili lang puros drama.

Tinabangay

Giklaro ni Karla Estrada nga wala’y kompetensya nga nahitabo sa mga kaubanan niya nga mga host sa “Magandang Buhay”  nga sila si Melai  Cantiveros ug Jolina Magdangal .Suma pa ni Karla nga dili tinuod nga siya ang nagdala sa show gumikan kay aduna sila’y lain-laing estilo sa pag- host.  Matud pa sa aktres nga magtinabangay sila alang sa kalamboan sa maong show.

Alkris nagpakilig

Gikilig ang netizens human ni -post si Kris Bernal og sweet nga litrato kuyog ni Aljur Abrenica sa iyang Instagram account.Bisan pa og wala’y proyekto ang duha,  padayon gihapon og suporta ang AlKris fans sa ilang idolo.

Claudine magsige og kasakit 

Nagpagawas og statement ang Viva Artist Agency mahitungod sa ilang contract star nga si Claudine Barreto diin sulod ug gawas sa ospital sukad niadtong Disyembre.  Matud pa sa maong statement nga adunay sakit si Claudine nga duna’y kalabotan sa dugo .Dugang pa sa Viva nga nagpasalamat ang aktres sa suporta  sa iyang mga fans ug nanghinaot nga padayon ang pag-ampo niini alang kaniya.

Baby boy

Gikompirmar ni Oyo Sotto nga lalaki ang ilang ika-upat nga anak ni Kristine Hermosa. Suma pa ni Oyo nga nalipay silang tanan pagkahibaw niini.  Target sa duha nga pun-an na pud nila ang ilang anak puhon.

Magduha-duha pa

Gibutyag ni Vic Sotto nga dili kumpleto ang iyang tuig kun wala siya’y entry sa Metro Manila Film Festival . Apan pagka karon,  nagduhaduha pa ang aktor kun  mosalmot ba sa MMFF gumikan sa bag-ong pamaagi nga kinahanglan nga moduso og full movie sa dili pa pilian ang  walo ka final entries.  —(BANAT NEWS)