Janna’s winning moment

CEBU, Philippines - Milangkat og duha ka pasidungog ang Sugbuanong Make-up Artist/Hairstylist nga si Janna Fernan sa  bag-ohay lang nga Filhair Asia-Pacific Hairdressers And Cosmetologists Association nga gi- salmotan sa mga  make-up artist gikan sa nagkadaiyang dapit sa Central Visayas. Siya maoy champion sa mga kategoriyang Evening Party Make-up  ug Bridal Make-up.

Gisaysay ni  Jannah nga usa ka OFW ang iyang inahan ug mao kini ang nisuporta sa iyang pamilya busa nakahunahuna siya nga magkugi sa pagkat-on og hair rebonding hangtud nga nakat-on siya  sa pag-make up.

Matud pa niya nga dili sa tanang panahon nga magsalig siya sa ginikanan, busa naningkamot pud siya nga makasuporta sa iyang pamilya.

BNH : Kumusta naman ka human sa imong kadaogan sa Filhair Asia-Pacific Hairdressers and Cosmetologists Association?

JANNAH: Wala ko nakamove-on pa hangtud karon, wala ko ga-expect nga sa kadaghan sa maayo nga make-up artist nga niapil,nakadaog ko sa duha ka category. But sa pagkakaron wala pa ko’y preparation or plano if moapil ko og lain nga make-up contest kay hangtud karon dili gihapon ko makatuo nga nakadaog ko.

BNH :  Unsay preparasyon nimo niadtong maong kompetisyon?

JANNAH: Actually, wala kaayo ko kapangandam og maayo  kay dili unta ko moapil kay busy ko sa akong schedule. Before sa competition didto ko sa ABS-CBN nagmake-up para sa ilang taping. But gi-push gyud ko sa akong assistant, mao to niapil ko—last minute nako ni-rent og bridal gown, ug nipalit og belo og bouquet kay kailangan man gyud nga ang model bride gyud siya tan-awon.

BNH : Unsa ang una nimong gibuhat pagkadaog nimo?

Jannah: Nagpasalamat gyud ko sa Ginoo nga nakadaog ko kay makadugang na man kini sa akong  portfolio,ug sa akong dungog nga naa koy nadag-an nga competition. Nagpasalamat ko sa  mga ni - sponsor nako sa bridal gown ug sa akong mama nga tighatag nako og make-up, sa akong mga assistant ug sa akong mga models nga nisugot nga akong himuong model during     the competition .

BNH: First time ba nimo ni join og make-up competition?

JANNAH: Dili, naka-join ko two years ago sa Ever Belina then naka –second place pud ko ato.

BNH: Nus-a nimo na discover ang imong talent sa pag make-up?

JANNAH: Mga 10 years ago, sa tabang ni Cha Ronnie Matudan. Kalit ra jud siya nga na-discover nako kay mag-assist ra jud ko niya then siya sad ang nagtudlo nako unsaon pag-apply sa make-up kay at first magkuyog kuyog ra man jud ko niya, then iya man jud ko pa-applyon, ako iyang pabutangon sa lipstick sa mga contestant sa Little Big Star kay sa una tigtan-aw ra jud ko og mga taping sa ABS-CBN kay fan man jud ko. Then nagka amiga mi ni Cha Ronnie, didto nagsugod tanan hangtud ako na make-upan akong mga silingan ug mga classmates. Then refer- refer na maong naabot og ingon ani akong career karon.

BNH :  Unsa imong advice sa mga aspiring make-up artist?

JANNAH: Practice lang gyud  then motan-aw og mga video  sa YouTube. Unya ang importante nga  kung maka-kwarta gani, palit gyud mo og mga  gamit,dapat kompleto gyud ang imong gamit sa pag make-up. Bahala’g dili kaayo mahalon kay ang importante man ana limpyo imong agi. Dili mana mag-matter nga mahalon ang imong gamit o branded,ang importante ang imong agi. Modawat pud og ginagmay nga customer kay siyempre dili man maka-afford ang tanan. Dawat lang sa booking bahala’g ginagmay basta kanunay lang kini. Lastly, dili modako ang ulo kung naa nay achievements.

BNH : Unsa imong mga struggle as a make-up artist?

JANNAH: Ako nga make-up artist wala lang ni -focus sa bridal or sa party like debut, mo-handle sad ko og pageants then dili lang sa paghinambog, ang  talents nako sa pageants kay makadaog gyud  but dili sad malikayan nga naay haters, manglibak ug manghilabot jud nga handlers. Pero  wala lang, palapos dunggan na lang then strong lang ko bahala lang na ang haters. (BANAT NEWS)