CEBU, Philippines - Gibutyag ni Yeng Constantino nga andam na sila makabaton og anak sa iyang bana nga si Yan Asuncion. Matud pa niya nga nalangan lang ang maong plano human nagsagunson ang iyang mga proyekto.
Idol si Julia
Nag-enjoy si Maxene Magalona sa seryeng Doble Kara tungod sa iyang katrabaho nga si Julia Montes. Matud pa ni Maxene nga giidolo niya si Julia busa dakong garbo alang kaniya nga nakauban niya ang aktres.
Kausaban sa tropeyo
Sa ika-lima ka tuig sa Phil-Pop Sing Festival,gibutyag ni Phil-Pop Head Maestro Ryan Cayabyab nga adunay kausaban sa prestigious song writing competition nga mahitabo matag tuig.Adunay bag-ong desinyo sa ilang tropeyo nga gigama sa usa ka National Artist.Ang maong kompetisyon mahitabo karong July 23,2016 sa Kia Theatre.
Birthday concert
Adunay umaabot nga birthday concert si Xiam Lim nga nag-ulohan og A Date With Xian Lim karong July 9,2016 sa Kia Theatre.Matud pa sa aktor nga iyang ihatag ang tanan nga mahimo alang sa concert . Wala pa hinuon matino kung duna’y espesyal nga partisipasyon si Kim Chiu sa maong concert.
Pastillas girl mihimakak
Gihimakak ni Angelica Yap o mas nailhan isip Pastillas Girl nga siya ang hinungdan maong nilayas si Mark Neumann sa balay sa iyang manager ug uncle nga si Gio Medina. “Kung anuman yung misunderstanding nila ni Mark, I think si Mark lang ang puwedeng sumagot. Definitely, sure ako na hindi ako ang dahilan kung bakit umalis si Mark sa bahay ni Nay”, matud sa dalaga.
Ervic nalipay
Gikalipay ni Ervic Vijandre ang kalampusan sa iyang ex-girlfriend nga si Miss Universe Philippines-2013 Ariella Arida kinsa nalingaw og maayo sa iyang hosting career sa Wowowin.Nagpabilin ang ilang panaghigalaay bisan pa man sa nahupas nga relasyon nila kaniadto.
Benjamin nahibong
Nakapangutana si Benjamin Alves kung unsa kaha ang sekreto sa iyang uyuan nga si Piolo Pascual nga bata pa man ang hitsura niini hangtud karon . “Sinasabi ko po lagi, ‘Bampira ka ba?’ Seryoso!,Even Iñigo thinks that way, parang, Ang daya naman nito, ang bata naman”,saysay pa ni Benjamin.
Nagkuyog sa Europe
Nibakasyon sa Europe ang rumored couple nga sila si Carla Abellana ug Tom Rodriguez. Niuban usab sa maong bakasyon ang pamilya ni Carla. Igo lang mokatawa ang duha kung pangutan-on kalabot sa ilang istado.
Nakasuway na gyud
Gibutyag ni Frencheska Farr nga first time pa niya mag-dub sa Alamat ng Dama De Noche nga episode sa Alamat karong umaabot nga Domingo. “Wala rin talaga akong prior experience tungkol sa dubbing. So, wala akong idea kung papaano aarte using my voice. Kasi usually either kakanta lang ako or facial expressions lang nakikita.Iba kasi ‘yung pag-in-acting mo siya ng boses lang. Pero ang nakatulong talaga sa akin ay sinubukan i-imagine talaga ‘yung eksena”,suma sa singer. — (BANAT NEWS)