Mag-uban og balik

CEBU, Philippines - Subling mag-uban sila si  Dennis Trillo ug Bella Padilla sa  bag-ong pelikula sa Viva Films nga Camp Sawi. Makauban usab  nila sa maong proyekto  sila si Yassi Pressman ug Arci Muñoz. Una nga nag-uban kaniadto sila si Dennis ug Bella sa  pelikulang Felix Manalo miaging tuig.

Jim gisaway

Gi- bash pag-ayo sa pipila ka netizens  ang Apo Hiking Society member nga si Jim Paredes human kini  ni -post og hulagway   ni President –elect  Rodrigo  Duterte sa social media account  nga sama sa dagway sa santos.Ang maong  litrato adunay caption nga ““I now reject the Son of God from Davao. I believe Duterteronomy as my bible”, Nireak ang mga netizens tungod giyagayagaan ni Jim ang imahe ni Sto. Niño.

Kim single na

Aduna’y pasumbingay si Kim Dominggo sa iyang mga post sa  Instagram nga nagpasabot nga single na siya . “Being Single doesn’t mean you’re weak, it means you’re strong enough to wait for what you deserve. ???? Nasan na kaya si Mr.Right Lol”, suma pa sa iyang Instagram post.

Manuroy pa

Gibutyag ni Jericho Rosales nga wala pa sila’y plano mohulma og bata  sa iyang asawa nga si Kim Jones Rosales.Gusto sa magtiayon nga mobakasyon pa og taman sa nagkadaiyang dapit sa kalibutan.Dugang ni Jericho nga busy  usab sila ni  Kim sa tagsa-tagsa nila nga mga career.  —  (BANAT NEWS)