CEBU, Philippines - Gibutyag sa nagsabak nga aktres nga si Toni Gonzaga nga lalaki ang ganahan niya nga maoy labing una nga anak nila ni Paul Soriano. Wala’y igsuong lalaki si Toni busa ganahan siya nga lalaki ang una niya nga liwat. “Well, noong bata ako, pangarap ko noon na magkaroon ng kapatid na lalaki, kasi wala kaming lalaki,” suma pa ni Toni.
Anak ni gabby
Giangkon sa Kapamilya singer nga si Michael Pangilinan nga uyab niya karon si Garie Concepcion, ang anak sa beteranong aktor nga si Gabby Concepcion. Wala’y pagduha-duha nga nibutyag ang singer sa dihang gipangutana kini ni Boy Abunda sa iyang late night show nga Tonight with Boy Abunda. Matud pa ni Michael nga nahimo kini niyang inspirasyon sa kinabuhi.
Kylie nakulbaan
Mitug-an ang Kapuso actress nga si Kylie Padilla nga mibati gyud siya og kakulba sa iyang unang eksena sa remake sa pantaserye nga Encantadia hilabi na nga nakauban niya ang Kapuso Primetime Queen nga si Marian Rivera. “Hindi ko naman alam na ganun (kakabahan) ‘yung mangyayari sa ‘kin. Pumasok na rin ‘yung respeto [ko] sa kanya,” suma pa ni Kylie.
Alden mibalik na
Nagsadya ang AlDub Nation sa pagbalik sa Pambansang Bae nga si Alden Richards sa Eat Bulaga human sa tulo ka semana nga shooting nila ni Maine Mendoza sa Italy alang sa ilang umaabot nga pelikula. Todo tsika si Alden sa ilang mga kasinatian ni Maine sa Italy. Daghan matud pa siya og nakat-onan sa pagtikang niya sa maong nasud.
Sweet kaayo
Gipadayag sa girlfriend ni Geoff Eigenmann nga si Maya nga sweet gyud kaayo nga pagka-uyab ang aktor. Dugang pa niya nga maayo mo-atiman kaniya si Geoff ug kanunay siya dalhan og pagkaon sa balay. (BANAT NEWS)