Bahay daw ni Robin ginawang imbakan ng shabu, worth P1 billion Keanna kaliga na si Osang! Superman bibisita sa ‘Pinas!

SEEN: Magka-level sina Keanna Reeves at Rosanna Roces dahil pareho sila na mga kiss-and-tell. Mahirap pagkatiwalaan ang mga tao na ipinagyayabang ang kanilang pagiging prangka dahil hindi sila nakapagtatago ng mga sikreto.

SCENE: Ang report ng GMA 7 na pag-aari ni Robin Padilla ang bahay sa Angeles, Pampanga na nirerentahan ng isang Taiwanese national. Isang bilyong piso ang estimated value ng liquid shabu na nasamsam ng PNP Anti-Illegal Drugs Group sa nasabing bahay.

SEEN: Biglang lumaki ang tiyan ni Mariel Rodriguez nang aminin niya sa publiko ang kanyang pagbubuntis sa panganay nila ni Robin Padilla.

SCENE: Ang amateur acting ni Maxene Magalona bilang anak ni Dawn Zulueta sa Love Me Tomorrow.

SEEN: Dati nang mahilig sumawsaw sa isyu at bumabatikos ng kanyang mga kasamahan sa showbiz si Jim Paredes pero ngayon lamang napansin dahil sa mga unfavorable comment niya kay incoming Philippine President Rodrigo Duterte.

SCENE: Kahit papansin ang dating, hindi maitatanggi na sexy pa rin si Sunshine Cruz sa edad na 38. Masigasig si Sunshine sa paglalabas sa social media ng kanyang sexy photos sa isang beach resort.

SEEN: Bibisita sa Pilipinas ang former Superman actor na si Dean Cain dahil dadalo siya sa Toy Conference na idaraos sa SMX Convention Center sa June 10 hanggang June 12.

SCENE: Imbitado sa 15th ToyCon ang Thai actor na si Mario Maurer na maraming Pinoy fans at naging leading man ni Erich Gonzales sa 2012 Star Cinema movie na Suddenly It’s Magic.