‘Two-hour diet’

So I had dinner with Mr. Puerto Rico-International 2015 Fernando Alvarez niadtong Huwebes sa gabii. Dili maayo ang sinugdanan ato nga dinner kay, nabwesit ko sa front desk sa hotel diin mag-istar si Fernando kauban ang tag-iya sa Psalmstre Enterprises nga si Jaime Acosta. Wala pa si Fernando pag-abot namo sa hotel busa nagtambay usa mi sa lobby. Taod-taod niabot si Fernando, nidretso sa elevator (wala pa mi ma introduce), aron muadto sa iyang lawak.  Pagsaka gyud sa elevator, nitingog og kalit ang front desk. Mao ni iyang lenggua kauban to’ng laki: Female front desk (FFD): Feeler kaayo. Feeling gwapo!

Guy Friend (GF): Model man to.

FFD: Model? Asa man? Kita diay ka ato?

GF: Model man to’s New Placenta...

FFD: (Doubtful) hahaha..

Gisapot ko nga nagpaminaw. Kuwang og seminar ang front desk, to think nga hotel iyang gitrabahuan nga expected gyud unta to be very courteous ngadto sa ilang kliyente. Nanlibak na man hinuon. Di ko muistar ana nga hotel uy kay dili ko sure sa akong privacy. Pero sinugdanan pa lang diay to sa akong pagkabwesit kay pagtaod-taod gipasaka mi sa second floor aron adto manihapon sa restaurant sa hotel. There, we were properly introduced. Unya chika chika. We ordered vegetable salad for a start. Sige’g chika, hangtud nga wala namo maalinggati nga almost an hour na man diay wala pa man gyud among order, bisag ang salad na lang unta. Pag follow-up, niangkon ang staff nga wala pa gyud daw maandam among order kay usa ray ilang cook unya perteng daghanang customer. Di ka maliki? So we walked out! Pakkk! Unsa ni nga hotel? Mao ra ni akong masulti: Dili bulawanon ilang serbisyo. Very poor! Awww!

 Namalhin mi sa Butterbean, nga walking distance ra sa hotel. We ordered vegetable salad for a start gihapon. Ug sa walay pagbias-bias, nitugpa sa among lamesa ang salad in less than 10 minutes. Pakpak uy! 

So didto mi nagpadayon og chika ni Fernando. Naghisgot mi about old school courtship nga mao gyud matud pa iyang sundon. No to pre-marital sex sab matud pa siya kay old school siya. Aduna siyay uyab karon nga beauty queen sab didto sa Puerto Rico. The guy is very humble and so likeable. Perteng sayupa atong front desk gyud for judging Fernando like that kay perteng buotana aning 21-year old nga Puerto Rican gyud. As in!  Dinhi niya gipaambitan ang “Two Hour Diet.”  What is this all about?

Simple ra. Mukaon ka every two hours. In other words, ka unom or kapito ka mukaon sa usa ka adlaw. Matud ni Fernando, basi sa iyang pagdukiduki, ang atong metabolism mupaspas sulod lang sa duha ka oras, mao matud pa ning orasa nga galingon gyud og maayo sa imong digestive system ang imong gikaon. So kun mulapas na sa duha ka oras, muhinay imong metabolism ug ang imong gikaon dili na magaling og maayo busa magpabilin na kini sa imong lawas isip fats. Kahugyaw gud?  Pwes, sundon nako iyang gitudlo, basin pa diay! Pakpak!