Naked with “Carrot Man”

CEBU, Philippines - Alimuot kaayo gyud rong panahona uy! As in grabe grabe! Hahaha. Pwes, naghubo ko tanan pagkatog nako adtong Biyernes sa gabii, puslan pa man. Hahaha. Walay magbuot kay this is my body. Awww! But, nasayud ba kamo nga adunay kaayohan nga mapahimuslan kun maghubo ka tanan kun matog? Yes na yes uy! Kanang hayahay imong pamati kun maghubo ka tanan matog, usa ra na sa benepisyo. Naa pa gyuy daghan, as in!

Suma pa sa http://iheart-organic.com  ang musunod mao ang mga benepisyo kun matog nga hubo tanan inig ka gabii:

1. Sa mga magtiayon, kun hubo mo tanan matog, unya magdulog mo, ma release ang oxytocin diha sa panagsikit sa inyong mga panit. Ang oxytocin gitawag og “ love hormone”  nga maoy mupaubos sa imong blood pressure, muwagtang sa stress depression ug makapanindot sa imong pamati.

2. Kun matog ka, mu-ubos ang imong body temperature. Apan kun matog ka nga hubo tanan, ma-regulate ang body temperature. Nasayran nga kun ubos man gud ang imong  body temperature,  ma-release ang cortisol sa imong lawas nga muresulta sa pagtaas sa imong stress level ug anxiety, mag-crave ka og junk food hinungdan nga manambok ka.

3. Kun hayahay imong pamati kay naghubo ka tanan samtang natog, mahinanok ka. Ug kun hinanok ang imong pagkatog, you feel good when you wake up in the morning. Diha usab sa hinanok nga pagkatog, ma-repair ang imong damaged tissues, so you will eventually become beautiful kay mugawas imong natural glow.

4. Suma pa, kun lalaki ka unya matog ka nga maghubo, mutaas ug mas munindot ang kalidad sa imong sperm. Mao ni napamatud-an sa usa ka pagtuon nga gipahigayon sa  National Institute of Child Health and Development ug Stanford University.

5. Maka improve sa imong self-confidence ang matog nga hubo tanan. Pinaagi niini mas masinati pa nimo ang imong lawas ug ang imong kaugalingon mismo.

Pwes, kay natog man ko nga nag-ubo tanan niadtong Biyernes sa gabii, nindot kaayo akong katog. Hinanok gyud as in, kaluoy sa Ginoo. Ang ending, nagdamgo man nuon ko ni Jeyrick Sigmaton uy, o mas naila isip “Carrot Man.” Pagpauli man gud nako, nakoy nakasakay nga magbarkada nga naghisgot nga model na sa Boardwalk si Carrot Man, so nisulod sa akong hunahuna ang nahisgutan. Mao to nga nagdamgo ko nga nagkauyab man mi didto uy, unya gihawkan ko niya sa akong right cheek. Padung na unta to lips to lips, pero nakamata na man ko uy! Hahahaha! Pero okay ra, dili man sab gyud ko ganahan og mga bata, kay bet man nako akong ka edad or maguwang pa nako. Anyway, katong naay mga crush diha, suwayi ninyo og katog nga hubo tanan karong gabii, basin pa diay magkauyab namo ni crush sa imong damgo. Kun dili man gani ka magdamgo niya, atleast mapahimuslan nimo ang benepisyo nga atong gihisgutan karon. Pakkk!