Una ko nga nakabisita sa Sanctuary Castle of Mama Mary o mas naila sa kadaghanan isip “Birhen sa Simala” niadtong Hunyo sa nilabay nga tuig kauban ang akong mga higala nga sila si Bella Fabricante ug Jazz Lasaca. Yes, that was my first time ever. And it was beautiful. There is really something special going in there. It’s special because when I was there gaan ug nindot gyud akong gibati. Naa gyud si Mama Mary didto. So I vowed to myself to comeback and hopefully to be there monthly. Pero wala na nako natuman ang maong saad until February this year. And I have a feeling nga matinuod na gyud nga kada buwan ko mubisita sa Birhen sa Lindogon.
That is because, ang usa sa duha ka mga kooperatiba diin miyembro ko adunay proyekto nga sugdan diha sa Our Lady of Lindogon Foundation Inc. (OLLFI), sa dili madugay. Ang maong kooperatiba, ang Kapandesal Coop nga nagbase sa Malate, Manila, nakahukom nga maoy mangulo alang sa katukoran sa two-storey school building aron mamahimong K to 12 certified ang OLLFI. Una niini, niadtong nibisita ang grupo pinanguluhan sa chairperson nga si Mel Tadeo ug CEO nga si Mary Ann Gonzales niadtong Enero, naka feel sab sila sa presensya ni Mama Mary. Nihukom sila nga mutabang pinaagi sa pag-apod-apod og scholarships alang sa mga tinun-an sa OLLFI sugod karong Hunyo. Apan sa amo nang meeting kauban ang Principal sa OLLFI nga si Sr. Ma. Elizabeth G. Tano, DST ug ang Prior/School Founder Rev. Frater Ma. Martin Mangila, MMEA, nasayran nga dili scholarship ang gikinahanglan sa tunghaan kundili dugang classroom ug mga magtutudlo.
Nasayran nga bisan og private school ang OLLFI, libre ang pagtungha sa mga tinun-an sanglit kasagaran nila ang walay katakos pagbayad sa tuition. Ug kay ang tumong ni Frater Martin sa pagmugna sa tunghaan mao man nga matabangan ang mga anak sa mga mag-uuma sa dapit aron makamao silang mubasa ug musuwat o makabaton og edukasyon, hinungdan nga libre na lang gyud ang pagtungha. Ang budget niini naggikan sa mga donasyon sa mga mubisita sa sanctuary ug sa halin usab sa mga religious articles nga baligya sa mga madre.
Suma pa ni Frater Martin niadtong una namong meeting niadtong March 5, ang mga nahisgutan ra gyud ang ilang gisaligan aron mapadayon ang operasyon sa OLLFI. Gumikan niini, dili kaayo dako ang sweldo usab sa mga magtutudlo. Gani, tulo ka mga magtutudlo ang ni-resign na aron manimpad sa publikong tunghaan. Nasayran nga P6,000 ra binuwang suhulan nga madawat sa mga magtutudlo sa OLLFI.
Laing hagit nga giatubang sa OLLFI mao nga dili na mupadayon pagtungha ang ilang grade 10 graduates sanglit wala pa man silay grade 11 ug grade 12. Si Sr. Elizabeth dili sab maka-apply for accreditation sanglit lakip sa requirements mao man ang classrooms ug instructors nga mudumala sa programa. Wala silay katakos pinansyal pagsagubang niining maong dakong hagit sa OLLFI.
Hinungdan nga human gipalanog ni Sr. Elizabeth ang mao nilang hagit nga ilang giatubang karon nihukom sila si Chairman Mel ug CEO Mary Ann nga ang Kapandesal Coop maoy maninguha aron matukod ang ilang gikinahanglan nga classrooms. Gipasalig usab sa duruha nga sugod karong Hunyo, ang Kapandesal Coop maoy musweldo sa lima ka mga magtutudlo, (tulo ang hulip sa mu-resign, duha alang sa grade 11 ug grade 12), hangtud na sa tapos sa school year. Plantsado na ang tanan, apan gikinahanglan usab ang suporta sa mga deboto.
Sumpayan pa sunod Domingo.