I love eggs! Opps…itlog sa manok akong pasabot uy, dili itlog ni kuan! Awww! Hahaha. Bitaw, ganahan kaayo ko og hardboiled egg, fried egg, malasaw sab. Ahh, init nga rice palihug! Pakkk! Pero, there is more to eggs aside sa lami kaayong isud-an.
Nasayud ba mo nga ang itlog dako kaayo og ikatabang aron mubata ang atong dagway? Yes, anti-aging diay ning itlog suma pa sa http://www.healthdigezt.com , ang egg white mahimong gamiton isip facial mask. Sagulan lamang nimo kini og duha ka kutsara nga honey ug tulo ka kutsara nga clay mud. Masahon kini nimo og maayo una pa nimo ibutang sa imong nawong ug liog ug pasagdan sulod sa 15 minutos sa dili pa nimo hilam-usan. Kun mao kini imong himuon ka duha sa usa ka semana, mas nindot ang resulta.
Ang bagal sa itlog mahimong gamiton isip body shrub baby. Yes, pagkuha og mga lima ka bagal sa itlog, iblender aron mapino og maayo, dayon saguli og duha ka kutsara nga honey ug rock salt. Ibagnos sa imong tibuok lawas ug pasagdi sulod sa 15 minutos.
Dali ra ba matigpod ang imong mga kuko? Ayaw’g kabalaka kay itlog ra imong solusyon niana. Sa usa ka bowl, pagbutang og ¼ cup of whole warm milk. Butangi og egg yolk. Banabanaa ang kainiton niini nga dili na makapaso, dayon ihumol ang imong mga kuko sulod sa 10 minutes. Buhata kini kada adlaw aron nindot ang resulta.
Nipis ba imong buhok? Pwes, pagbatil og itlog ug saguli og duga sa usa ka medium seize lemon. Batila gyud og maayo hangtud nga mulaputay. Dayon ibutang sa imong buhok. Siguraduha nga nabutangan gyud ang tanang lugas sa buhok gikan sa punoan hangtud sa tumoy. Tabuni ang imong ulo og shower cup sulod sa tunga sa oras. Hugasi, dayon pag-shampoo.
Mantikaon ka ba og nawong? Oily ba. Hahaha. Bitaw, ayaw kabalaka kay makatabang sab ang itlog niini. Pagkuha og tunga sa tasa nga oatmeal (hilaw), ibutang sa bowl ug saguli og egg white. Masaha kini og maayo, dayon ipahid sa imong nawong ug pasagdi sulod sa 30 minutes. Dayon, hilam-usi ang imong nawong og bugnaw nga tubig.