SEEN: Ang Your Face Sounds Familiar Season 2 finalist na si Michael Pangilinan ang bagong biktima ng mga video scandal. Inamin ni Michael na siya ang tampok sa video scandal na kuha noong 17 years old pa lamang siya.
SCENE: Lumitaw rin sa Internet ang alleged old video scandal ni Mark Herras na kuha sa hotel na tinuluyan niya sa isang sikat na resort island.
SEEN: Balik-Bubble Gang si Chariz Solomon pagkatapos isilang ang kanyang second baby. Tatlong buwan na nagpahinga si Chariz at kahapon ang unang araw ng taping niya.
SCENE: Matinding training sa martial arts ang haharapin ni Gabbi Garcia para sa role niya sa Encantadia remake. Gagampanan ni Gabbi ang role ni Danaya na pinasikat noon ni Diana Zubiri.
SEEN: Si Leonardo DiCaprio ang best actor sa 69th British Academy Film Awards para sa The Revenant. Lalong lumakas ang kutob na malaki na ang tsansa ni Caprio na manalo ng best actor trophy sa Oscar Awards na mailap sa kanya.
SCENE: Best picture ng 69th BAFTA ang The Revenant, best actress si Brie Larson (Room), best director si Alejandro Inarritu (The Revenant), best supporting actress si Kate Winslet (Steve Jobs), at best supporting actor si Mark Rylance (Bridge of Spies).