Vice Ganda, Robin, at Angel may akting sa PGT! Pia bitin ang bakasyon sa ‘Pinas dahil sa Inside Edition ng Super Bowl

SEEN: Si Freddie Garcia lamang ang nagpapakatotoo sa mga hurado ng Pilipinas Got Talent ng ABS-CBN dahil may acting na kasama ang pagiging hurado nina Vice Ganda, Robin Padilla, at Angel Locsin.

SCENE: San Francisco bound si Miss Universe Pia Wurtzbach nang umalis siya sa Pilipinas noong Linggo dahil siya ang special correspondent ng Inside Edition sa Super Bowl 2016.

SEEN: Malungkot na umalis ng bansa si Pia dahil mami-miss nito ang mga kaibigan at pamilya na isang linggo lang niya na nakita at nakasama. Hindi na napanood ni Pia ang late night airing ng Miss Universe Homecoming Special noong Linggo.

SCENE: May sariling paandar si Ella Cruz sa grand caravan show ng TV5 at Viva sa Market! Market! noong Linggo dahil namudmod siya ng kanyang mga poster. Si Ella ang bida sa Avah Maldita ng Wattpad Presents.

SEEN: Pinanood ni Sharon Cuneta ang huling pagtatanghal ng Bituing Walang Ningning The Musical noong Linggo. Naging emosyonal si Sharon nang mapanood ang musical version ng kanyang blockbuster movie.

SCENE: Ang strong resemblance ni Miss Colombia Ariadna Gutierrez sa kanyang kababayan, si Stella Marquez de Araneta, ang chairman ng Bb. Pilipinas Charities, Inc. May idea na si Ariadna sa magiging hitsura niya sa kanyang pagtanda.

SEEN: Less than five minutes ang running time ng entertaining official video ng kasal nina Pauleen Luna at Vic Sotto na binuo ng mahusay na videographer na si Jason Magbanua.

SCENE: Sa edad na 62, mahusay pa rin magsayaw si Batangas Governor Vilma Santos-Recto dahil kayang-kaya niya na makipagsabayan sa pagsasayaw ng Twerk It Like Miley sa bagets stars.