PSN Showbiz

Sinulog sa Carmen 2016 Padayon ang mabulukong tradisyon

Banat

January 31, 2016 | 9:00am

CEBU, Philippines - Naandan na sa mga Sugbuanon nga matag human sa Sinulog Grand Parade sa dakbayan sa Sugbo, magpusot-pusot gilayon ang mga nagkadaiyang bersiyon niini matag lungsod, barangay o sitio.

Tingali ang ikaduhang labing daku nga bersyon niini dinhi sa Cebu mao ang Sinulog sa lungsod sa Carmen diin matud sa ilang history nga ang ilang sinulog maoy labing una dinhi sa Sugbo.

Giingong sa panahon nga miabot ang mga Katsila dinhi sa Sugbo nga maoy nagdala sa Kristiyanismo, nahimong gabayan ug tigpanalipod sa mga taga Carmen ang balaang bata.

Gani gitipigan pa hangtud karon ang giingong usa sa labing karaan ug milagrosongimahe niSeñor Santo Niño sa Brgy. Luyang, ang labing karaang sibilisasyon sa lugar. Gani ila kining pistahan matag katapusang Domingo sa buwan sa Enero, diin duna sila’y buhaton nga Biray-biray nga sama og parada sa dagat.

Ang Sinulog sa Carmen ning bag-ong panahon maoy bunga sa gisugdan ni Fr. Jose Motus niadtong tuig 1974, kinsa lumad nga taga Kalibo, Aklan. Iyang gidala ang Ati-atihan sa Carmen apan ilang nasabutan sa mga prominenteng lumolupyo nga ilisan o himuon na kini"g Sinulog pagkasunod tuig niana.

Niadtong miaging Domingo, Enero 24 mao na ang ika-43 nga Sinulog sa Carmen. Lima ka mga local contingents ang miapil gikan sa clustered barangays niini samtang unom sab ka contingents alang sa open category, diin ang mga nangapil mao ang mga grupo nga nanayaw atol sa Sinulog Grand Parade ug Sinulog sa Kabataan sa Cebu City.

Local Category Contingents:

1. Tribu Mananagat sa Brgy. Luyang, Puente ug Cogon East uban ang Luyang Elem. School ug Carmen National High School

2. Tribu Kasidlak sa Brgy. Cantumog, Corte, Lanipga, Sac-on ug Liboron

3. Pundok sa mga Batang Kyut nga Carmenanon sa Brgy. Upper Natimao-an, Lower Natimao-an, Cantucong, Cantipay ug Caurasan

4. Tribu Panaghiusa sa Brgy. Dawis Norte, Dawis Sur, Ipil, Triumfo ug Hagnaya uban ang mga tinun-an sa Cebu Academy

5. Tribu PoBaWesCo sa Brgy. Poblacion, Baring ug Cogon West uban ang Carmen National High School Night Class

Nanukad ang street dancing parade gikan sa Carmen Plaza ug natapos kini sa Carmen Grandstand diin mipakita sa ilang hugyaw nga performance ang matag contingents. Nahimong crowd favorite ingon man maoy gipaburan sa mga hurado,ug maoy ilang gipadaug ang Tribu Mananagat sa Local category, ug ang Pundok sa Kabataang Mananayaw sa Danao City alang sa Open category.

Nasayran nga ang contingent gikan sa Danao mao sab ang midaug atol sa Sinulog sa Kabataan sa Lalawigan. Ang duha ka mga mananaug mao sab ang milangkat sa Best in Choreography ug Choreographer.

Sinulog sa Carmen Winners:

1st Place: Tribu Mananagat (LC)

Pundok sa Kabataang Mananayaw sa Danao City (OC)

2nd Place: Tribu Panaghiusa (LC)

Mabolo National High School (OC)

3rd Place: Tribu Pobawesco (LC)

Don Sergio Osmeña Memorial National High School (OC)

Best in Costume:

Tribu Panaghiusa (LC)

Don Sergio Osmeña Memorial National High School (OC)

Best in Musicality:

Tribu Mananagat (LC)