Balitang Bisdak Na!
Hello mga SKB! Ugma na gyud ang buwan sa Pebrero ug siyempre ang musulod dayon sa atong utok ang Valentines Day! Ang mga single like me maghunahuna na dayon unsaon pagsaulog sa maong event. Sa dili pamo maghunahuna kung unsa ang inyong buhaton ari usa ta sa good news nga hatod sa inyong Yur’s Truly. Ugmang adlawa Lunes, alas singko sa hapon inyong makauban pagbalik ang nagpabiling Lig-on…Nagpabilin ang Baruganan…Walay Gidapigan, Walay Kukahadlok pagbarog sa Kamatuoran.. Nagpabilin ang Pangalagad… Kini ang Bag-ong Balitang Bisdak!!! Sakto! Korek! Check! Makauban gihapon ninyo ang tibuok pwersa sa GMA 7 Cebu News and Public Affairs pinanguluhan ni Kapusong Bobby Nalzaro ug Cecille Quibod–Castro. Good News sa mga nagtutok sa Balitang Bisdak kay kung nasakpan mo namo nga nagtan-aw sa Balitang Bisdak ang inyong Mother Butanding manghatag og usa ka sakong bugas.#BugasPaMore kay kini dili muhubas! Mao nga ayaw sipyata ang pagrumbo sa inyong Yur’s truly kay sigurado gyud ko nga ang hatod namo kaninyo papremyo!
Gawas sa Papremyo ug mga Balita, ihatud sab namo diha ninyo ang Kapuso ang Serbisyong Tinud-anay sama na lang karung Pebrero 10, diin adunay ipahigayon nga Kapuso Blood Letting Day diha sa SM City Cebu second floor secondary hall way, (former Simon Boutique tapad sa Globe Center), alas diyes sa buntag hangtud alas siyete sa gabii. Ayaw lang mo kahadlok kay dili mo dayon tusukon sa dagom. Hahhahahaha! Naa pa’y mga pangutana nga mahitabo ug uban pa. Be There and Help Save Lives!
In Saving Lives ang Kapuso Foundation Cebu nihatag og Serbisyong Tinud-anay sa mga nasunugan natong mga Kapuso. Mao kini ang Operation Bayanihan: January 12 - Barangay Capitol Site – 25 families ang natabangan sa sunog; January 14 – Barangay Quiot Pardo– 213 families; January 26 – Barangay Duljo, Fatima – 100 families; January 27 – Barangay Apas – 14 families; January 29 – Barangay Lahug – 60 families.
Sa mga gustong motabang sa Kapuso Foundation Cebu pwede kamo motawag sa 0942 0230234 pangitaa lang si Ms. Amabelle Rusiana.
“Adunay mga butang nga bisan dugay na nga nawala pero nagpabilin kini sa imong kasingkasing.”—Emote lines!
Tua sa Amanpulo nagpahayahay si Bea Alonzo kinsa nabalita sa nilabay nga semana nga buwag na kang Zanjoe Marudo.
* * *
Tua sa Paris nanuroy ang managhigugmaay nga sila si Rodjun Cruz ug Dianne Medina.
* * *
Giklaro ni Angel Locsin sa iyang pag-guest sa Tonight with Boy Abunda sa ABS-CBN niadtong Biyernes nga dili pa sila buwag ni Luis Manzano. Aduna lang matud pa silay gihusay ug nanghinaot siya nga malampusan nila kini
* * *
Nagkuyog sa Singapore ang hagbay ra nga gidungog nga manag-uyab nga sila si 2013 Miss World Megan Young ug Kapuso star Mikael Daez..