Festival Queen 2016 Dances from the Heart

CEBU, Philippines – Sa mga grasya nga nadawat, ang  Ginoo maoy nag-una sa listahan nga angayan pasalamatan.

Mao kini ang kanunay nga gihunahuna sa  rayna sa Tribu Himug-ulaw sa Placer, Masbate  nga si Cynthia Thomalla kinsa kasamtangang  naghupot sa titulo nga Sinulog Festival Queen 2016.

Matud pa niya nga matag duna siya’y buhaton, kanunay gyud niya sangpiton ang Ginoo gumikan kay sigurado siya nga giyahan gayud siya.

Sa iyang mga buhatunon, nagsilbi  usab niya nga inspirasyon ang iyang pamilya ug mga higala  ug dako kini og natampo sa kadaugan niya isip Sinulog Festival Queen.

Aktibo na si Cynthia sa modeling pinaagi sa  pag-abag ni Sven Chua sa Origin Model Management  busa hanas na kaayo siya sa pagpaso.

Dili mabangbang ang maayong pamorma sa iyang lawas gumikan kay  mahiligon man siya sa pagdagan.

Pipila sa iyang mga titulo kaniadto mao ang Miss Macrohon 2011 didto sa iyang yutang natawhan sa  Macrohon, Southern Leyte province.

Napili usab siya nga 2nd runner-up sa Miss Southern Leyte ug 1st runner-up sa Miss Merida niadtong 2012.

Siya karon ang reigning Miss Mandaue 1st runner-up, busa dili bag-o alang kaniya kung maghisgot og indigay sa kaanyag.

Name:  Cynthia Thomalla

Nickname: Chay

Age: 20

Date of Birth: Feb. 25, 1995

Nationality: Filipino-German

Favorite movie: The Vow

Favorite TV  station : ABS-CBN

School: STI- Maasin

Course: Tourism and Events Management Graduate

Motto: It’s nice to be important, but it’s more important to be nice.

Modeling agency: Origin Model Management by Sven Chua

Banat Hugyaw:  Nganong niapil ka sa Sinulog Festival?

Cynthia: First thing, niapil ko sa  Sinulog Festival para mohalad kay Senor. Sto. Niño. I danced to share the love of Senor Sto. Niño to the people and I danced for him. Niapil sad ko para makasuway sad ko sa kalahian sa Sinulog Festival Queen competition ug sa ubang contest nga akong giapilan.

Banat Hugyaw:  Mga preparasyon nga imong gibuhat sa pagsalmot nimo sa Sinulog Festival Queen 2016?

Cynthia: You really need to be fit that’s why nagsige ko og jogging and nagsige ko og practice sa basic steps and routines.

Banat Hugyaw:  Unsa ang imong sekreto sa  kamaayo nimo mosayaw?

Cynthia: Ang pagsayaw gikan sa kasingkasing. When you dance from the heart, you dance in the best possible way.  Sa Sinulog, naa sa akong hunahuna nga halad kini kang Sto. Niño ang pagsayaw. I am more motivated to dance in the best that I can.

Banat Hugyaw: Panghitabo sa imong kinabuhi nga dili nimo makalimtan.

Cynthia: Daghan man kaayo. Daghan happy and hard times sa akong life nga dili nako makalimtan. But ang importante sa mga panghitabo sa akong kinabuhi, nailhan nako ang mga tawo nga mibiya nako, malipay man or maguol or masakitan. Kahibaw sila kung kinsa sila

Banat Hugyaw: Alang kanimo, unsa ang imong best asset?

Cynthia: Para nako, ang akong best asset  aside from my nose, is ang ako smile. You can never go wrong when you smile in the most sincere form and kung mungisi ka from the heart.

Banat Hugyaw: Unsa ang imong baruganan kabahin sa Reproductive Health Law?

Cynthia: I think that people have the right to make choices on what they want to do in their life. It’s not about disrespecting the church and turning down the teachings of God. I think it’s about controlling and setting your family plans straight with birth control.

Banat Hugyaw: Qualities sa guy nga imong gipangita.

Cynthia: He needs to be thoughtful and hardworking and at the same time family-oriented.

Banat Hugyaw: When was the last time you cried? Why?

Cynthia:  Pagka, Jan. 3, 2016. Annual gathering with my relatives sa  Southern Leyte. Nagduwa mi mga games and everyone participated. The games turned out very funny and I couldn’t stop laughing until I had tears of joy.

Banat Hugyaw: Problema sa nasud nga  kinahanglang hatagan dayon og pagtagad sa gobyerno.

Cynthia: I think the relocation of the less privileged. Lisod gyud mangita og pamaagi para sa hapsay nga pagpuyo sa mga squatters, pero ang syudad sa Sugbu mas limpyo tan-awon and mas organized if people have their own homes. Relocation in a sense nga puwede ta magpahimo og village nga para sa ilaha and in return, mag-contribute sila sa livelihood sa Sugbu.

Banat Hugyaw: Unsa nga sayup nga imong nabuhat sa 2015 ang buot nimong balikan ug tarungon? Ngano man?

Cynthia:  Wala na man. Every time naa ko sayop tarungon nako dayun before moabot ang time sa pagbasol.

Banat Hugyaw: Unsa nga pagtulun-an nga imong nakat-onan gikan sa imong mga ginikanan nga imong itudlo pud sa imong anak ugma damlag kun ikaw mamahimo na nga inahan?

Cynthia: One thing my parents taught me is that ang kwarta dili mada sa langit. One day, sooner or later we will leave planet earth and ang Ginoo lang maka-save nato. Gitudluan gyud ko sa akong parents unsaon pag-share sa akong blessings sa uban tawo.