SEEN: Ang pagbabalik ni Donna Cruz sa music industry. Classy, walang bahid ng kontrobersya at mas popular si Donna kesa sa kanyang mga pinsan na sina Sunshine Cruz at Sheryl Cruz.
SCENE: Pinalakpakan ng airport employees si Miss Universe Pia Wurtzbach nang dumating ito kahapon sa Centennial terminal ng Ninoy Aquino International Airport.
SEEN: Heavily guarded si Pia Wurtzbach ng airport security nang salubungin siya kahapon sa NAIA ng mga miyembro ng media at ni Bb. Pilipinas Charities, Inc. executive director Stella Marquez de Araneta na isang Colombian citizen bago ikinasal sa businessman na si Jorge Araneta.
SCENE: Ang pangako ni Pia Wurtzbach na ikukuwento niya sa presscon na ipapatawag ng Bb. Pilipinas Charities, Inc. ang kanyang ibang mga karanasan bilang Miss Universe.
SEEN: Hindi maamin ni Kiray Celis na thrilled na thrilled siya sa kissing scenes nila ni Derek Ramsay sa Love Is Blind ng Regal Entertainment, Inc. Nagpanggap na naive si Kiray.
SCENE: Hindi gaanong kinagat ng mga mahihilig sa photo scandal ang isyu ng alleged nude photo scandal ni Julian Estrada dahil hindi kita ang mukha ng hubo’t hubad na lalaki. Pinagbintangan pa si Julian na nagpapakontrobersyal upang mapag-usapan.
SEEN: Long overdue ang pagpapaseksi ni Mark Bautista sa Dalawang Gabi ng Sari Sari Channel dahil noon pa niya hobby na mag-post ng kanyang half-naked pictures sa social media.
SCENE: Special guest ngayon sa ASAP si Vilma Santos dahil ipo-promote niya ang Everything About Her, ang kanyang huling pelikula bilang gobernador ng lalawigan ng Batangas.