CEBU, Philippines - Nadakin-as ang anak ni Kris Aquino nga si Bimby samtang nanglimpyo kini sa kusina nga kabahin sa leksyon sa tunghaan niini aron mahimong independente ang ilang tinun-an. Mapasalamaton si Kris gumikan kay dili kaayo grabe ang nahimong resulta base sa CT scan. Ang iyang igsuon nga si Viel Aquino maoy nakatikang dayon sa hospital gumikan kay duna’y shooting si Kris niadtong higayona.
Yassi gisuwerte
Nagbaha ang mga proyekto ni Yassi Pressman , gumikan kay gawas sa pelikula ug sa mga programa niya sa TV5, aduna pud siya’y show sa cable channel nga Sari Sari . Kasamtangang gi-promote karon ni Yassi ang pelikula nila ni Andre Paras nga Girlfriend For Hire.
Audition gisugdan
Gisugdan na sa GMA-7 ang audition alang sa mga artista nga gustong malakip sa pagbanhaw sa Encantadia. Matud pa nga dako nga pundo ang magamit sa maong proyekto.
Ampingan gyud
Gipasalig nila ni Shy Carlos ug Mark Neumann nga ilang ampingan ang first team-up sa Tasya Fantasya sa TV5. Aduna’y chemistry ang duha busa nakahukom ang network nga sila maoy magpares sa maong show.
Wala kauyon
Gikatahong wala mahimuot ang ex-girfriend ni Diether Ocampo nga si Michelle Barrera sa pagbuking ni Claudine Barretto nga matud pa buwag na sila sa actor. Buot ni Barrera og pribadong kinabuhi.
Bernard nakugang sa tsismis
Gihimakak ni Bernard Palanca ang report nga matud pa buwag na sila sa iyang girlfriend nga si Jerika Ejercito . Gikahibulong pag-ayo sa aktor ang pagtumaw sa maong taho ug nakugang siya og maayo niini.
Asawa ni Matt nanganak
Malipayong gipahibalo sa Kapamilya actor nga si Matt Evans nga nanganak na sa miaging adlaw ang iyang asawa nga si Katrina Fariñas . Babaye ang ikatulo nila nga anak ug ginganlan nila og Harper Madison.
Wendy napunitan
Napunitan sa iyang gisabak ang kanhi Pinoy Big Brother Housemate nga si Wendy Valdez. Mao na unta kini ang labing una nga anak nila sa iyang bana nga si Norman Garcia,
Hottest leading lady
Nagmaya og maayo si Kiray Celis human ginganlan siya ni Derek Ramsay og “My hottest leading lady”. Ang duha nag-uban sa pelikula sa Regal Films nga Love Is Blind nga showing na karong February 10.
Manamilit na
Kutob na lang karong January 30 ang mga programa sa TV5 nga Paranormal Activity ug Lola Basyang . Pahulipan kini ni Vic del Rosario ug usa na niini ang youth-oriented show.
Roderick Paulate gitangtang sa puwesto
Natangtang sa iyang puwesto si Quezon City Councilor Roderick Paulate ug laing tulo ka opisyales sa maong dakbayan, kini subay sa mando sa Office of the Ombudsman kalabot sa kasong pag-hire matud pa og “ghost employees” niadtong 2010.
Guilty ang hukom alang nila ni Roderick, QC councilor Francisco Calalay, ug city liaison officers Flordeliza Alvarez ug Vicente Bajamunde sa resolusyon nga gipirmahan ni Ombudsman Conchita Carpio-Morales, gumikan sa kasong falsification of official documents, serious dishonesty ug grave misconduct.
Dili na mahimo nga makalingkod og bisan unsa nga puwesto sa gobyerno si Roderick.
Sa imbestigasyon sa Ombudsman, nasuta nga dunay 60 ghost employees nga nagtangan sa posisyon nga field inspectors, district coordinators, ug office aides.
Zanjoe mikompirmar sa breakup nila ni Bea
Mitingog na gyud si Zanjoe Marudo human sa taudtaud nga pagpakahilom kalabot sa taho nga buwag na sila si Bea Alonzo.
“Opo,” mao kini ang tubag sa aktor sa dihang gipangutana ni Boy Abunda sa live interview sa Tonight With Boy Abunda kung tinuod ba ang report nga buwag na sila ni Bea .
Wala gidetalye sa aktor ang rason sa pagputol sa ilang relasyon nga niabot og kapin sa upat ka tuig.
Karong Marso na unta ang ilang ikalimang anibersaryo isip manag-uyab.
Kahinumduman nga sa katapusang bahin sa miaging tuig , nikisaw na ang taho nga buwag na silang duha apan nagpakahilom lang sila niini.
Apan sa miaging mga adlaw, aduna’y mga suod nga higala sa duha ang mikumpirmar nga buwag na gyud sila.
Giangkon ni Zanjoe nga todo hilak gyud siya sa miaging mga adlaw gumikan sa ilang breakup ni Bea.
“Wala namang madaling way, so kailangan talagang pagdaanan,” suma pa sa aktor.
Dungan sa paglutaw sa maong taho , aduna’y tsismis nga niulbo nga matud pa nagkasinabtanay na sila si Bea ug sa iyang ka-loveteam nga si John Lloyd Cruz.
Sa nangaging interview , una nga gipadayag ni Zanjoe nga makadaghan na nga nag-agi og mga pagsuway ang relasyon nila ni Bea .
“Hindi naman ito ‘yung unang beses na meron kaming pinagdaanan ni Bea. Siyempre ‘yung pagmamahal, hangga’t hindi nawawala iyon, hangga’t nandoon iyon, kahit ano mang problema ang dumating sa amin, hindi kami matitibag kung mahal namin pa ang isa’t isa,” suma pa ni Zanjoe kaniado.
Samtang sa interview ni Bea sa miaging tuig, gisaysay niini nga dili gyud matawag nga perpekto ang usa ka relasyon.
”Lahat naman tayo dumadaan sa mga ganun. Hindi naman perpekto...siguro hindi ninyo mahal ang isa’t isa kung hindi kayo nase-shake sa mga pinagdadaanan. That’s not a relationship. A relationship is full of misunderstandings and love. So mahal ninyo ang isa’t isa kung may pakialam pa kayo sa isa’t isa,” suma pa ni Bea.
Bag-ong murna ni Paolo
Human nihimo og makeup transformation kang Miss Colombia Ariadna Gutierrez ug Miss USA Olivia Jordan, gisundog na pud karon ni Paolo Ballesteros si Miss Universe Pia Wurtzbach.
Gipistahan dayon kini sa netizens ug nahaom kaayo sa panahon sa pag-abot ni Pia sa Pilipinas ugma.
Kahinumduman nga ubay-ubay na pud nga international stars ang gisundog ni Paolo, kini sama nila ni Tyra Banks,Caitlyn Jenner,Angelina Jolie, Mariah Carey, Kim Kardashian, Beyoncé, Ariana Grande, Drew Barrymore, Kristen Stewart, Lucy Liu, Rihanna, Demi Moore, Katy Perry, Madonna, ug Megan Fox.
Chynna mabdos?
Nagdumili pagkomento si Kean Cipriano kalabot sa taho nga matud pa nagsabak ang iyang asawa nga si Chynna Ortaleza.
Suma pa ni Kean nga gusto lang nila ni Chynna nga himoong pribado ang ilang kaminyoon.
“We talked about it na anything regarding our personal lives, family, we want to keep the details to ourselves. It’s that sacred to us. And I would like to thank each and everyone who respect our decision,” suma pa sa singer-actor.
Suma pa ni Kean, nga kaniadto pa lang, kanunay na gyud nga pribado ang iyang personal nga kinabuhi. .
“It’s really hard to be private in a public arena pero it’s pretty amazing how you keep it because it becomes more special,” dugang pa niya.
Kahinumduman nga nitumaw ang tsika nga mabdos si Chynna human ni-post ang aktres sa Instagram og hulagway kung diin dako na ang iyang tiyan.
“We all have our freedom of expressing our insights, comments. The fact that we live in the world of Internet nowadays, ngayon lahat ng tao puwede mag-comment at puwede magsalita. I respect their decision to post their comments,” nagkanayon si Kean.
Aldub library natukod na
Dungan sa 27th weeksary sa phenomenal sa AlDub kagahapon , gibuksan na ang labing unang AlDub Library sa Lumban Central Elementary School sa Laguna nga gitambongan nila ni Alden Richards , Maine Mendoza , Lola Nidora ug Tinidora.
Kahinumduman nga natukod ang maong proyekto gumikan sa kalampusan sa “Sa Tamang Panahon Show” sa Philippine Arena niadtong Oktubre sa miaging tuig kung diin nakatigom kini og P14 million gikan sa ticket sales.
Ang tanang kita niini nagikan sa mga donasyon sa AlDub fans ug nagamit kini sa pagpatukod og mga library sa nagkalain-laing tunghaan sa Pilipinas.
Lakip na niini ang Lumban-Kalayaan Elementary School sa Laguna, Ongol-Ilaya Elementary School sa Dumarao, Capiz, Tambacan Elementary School sa Iligan City, Lanao del Norte, ug uban pa.
Ang plaque sa labing una nga AlDub Library adunay mensahe nga : “Ito ang patunay ng dedikasyon ng ‘Eat Bulaga!’ sa pagsulong ng edukasyon at pagsuporta sa mga batang mag-aaral na nagsisikap maabot ang kanilang mga pangarap. Hangga’t may bata, ‘may Eat Bulaga!’”
Gawas sa mga libro, bag-ong lamesa ug lingkoranan, aduna pud kini computer set.