Ate Guy susubok sa regional show
MANILA, Philippines – Tiyak na magniningning at sasaya pang lalo ang pagdiriwang ng taunang Dinagyang Festival sa Iloilo dahil makakasama ng mga Ilonggo ang paborito nilang artista mula sa Kapuso primetime shows na Wish I May at Little Nanay sa darating na Enero 22 at 23.
Ngayong Biyernes, Enero 22, kilig ang dala ng BiGuel love team na binubuo nina Bianca Umali at Miguel Tanfelix. Ang stars ng pinakabagong primetime afternoon series na Wish I May ay makikipagkulitan sa kanilang fans sa Kapuso Mall Show na gaganapin sa Robinsons Iloilo ng ika-5 ng hapon.
Kinabukasan, Enero 23, ang mga bida ng primetime family drama na Little Nanay naman ang magbibigay-aliw sa kanilang fans sa SM City Iloilo ng ika-6 ng gabi. Dito ay makakasama nina Kris Bernal, Hiro Peralta, at Juancho Trivino ang nag-iisang Superstar na si Ms. Nora Aunor.
Ito ang kauna-unahang regional trip ng Superstar mula nang maging bahagi siya ng Kapuso Network. Sa dramang Little Nanay, ginagampanan ni Nora ang role ni Lola Annie Batongbuhay–ang hip grandma ni Tinay (Kris). Si Tinay ay isang 25-taong gulang na nanay na may pag-iisip ng isang siyam na taong gulang na bata.
- Latest
