Masiglang-masigla Valeen hindi apektado sa pagkakadawit sa hiwalayan ni Ciara at ng mister

SEEN: Magkasama si Vic Sotto at ang kanyang manugang na si Marc Pingris sa bagong television commercial ng isang brand ng beer.

SCENE: Wala sa hitsura ni Valeen Montenegro na apektado ito ng mga bashing dahil siya ang inaakusahan na third party sa hiwalayang Ciara Sotto at Jojo Oconer. Masiglang-masigla kahapon si Valeen sa Sunday PinaSaya.

SEEN: Ang magkasunod na araw na guesting nina Pia Wurtzbach at Ariadna Gutierrez sa televison show ni Steve Harvey. Si Pia ang guest ngayong gabi at si Ariadna ang bisita bukas.

SCENE: Isinama kahapon ni Richard Gutierrez sa Sinulog Festival Parade sa Cebu City ang kanyang anak na si Zion. Nag-promote si Richard ng Ang Panday, ang upcoming show niya sa TV5.

SEEN: Baby girl ang second child ni Patrick Garcia at ng kanyang misis na si Nikka Martinez. Tatlo na ang anak ni Patrick dahil may lovechild sila ni Jennylyn Mercado.

SCENE: Ang request ni John Nite na isulat ng entertainment writers na dapat ipagpatuloy ng GMA Network management ang Walang Tulugan With The Master Showman.

SEEN: Ipinagdiwang kahapon ni Ken Chan ang kanyang 23rd birthday. Hindi kumpleto ang kaarawan ni Ken dahil sa pagpanaw ng kanyang mentor na si German Moreno.

SCENE: Sinuportahan kahapon ng Vilmanians ang grand presscon ng Everything About Her, ang unang pelikula sa 2016 ng Star for All Seasons na si Batangas Governor Vilma Santos-Recto.