Nakadayeg kang Janice

CEBU, Philippines - Gihulagway ni  Priscilla Estrada si    Janice de Belen nga buotan.  Nagkauban sila sa seryeng Be My Lady nga gibidahan nila ni Erich Gonzales ug Daniel Matsunaga.  Si Priscilla maoy asawa sa kanhi  kapikas ni Janice nga si John Estrada.

Gibasura ang request

Gibasura sa  Sandiganbayan ang hangyo nila ni  Senador Bong Revilla, Jr. ug Sen. Jinggoy Estrada sa haya ni  German Moreno. Nasagmuyo ang duha sa maong hukom gumikan kay dili sila makatan-aw ni Kuya Germs sa katapusang higayon.

Kinsa man gyud?

Gihimakak ni Quezon City Mayor  Herbert Bautista ang nigawas nga report nga matud pa siya’y nihatag og tibuok lechon baboy sa iyang ex-girlfriend nga si Kris Aquino. Suma pa ni Herbert nga concern siya sa health ni Kris busa imposible nga mohatag siya og inasal niini.

Walk of Fame ipadayon

Gibutyag sa anak ni German Moreno nga si  Federico Moreno nga ipadayon niya ang naandan na nga  Stars Walk of Fame ni Kuya Germs  sa Eastwood City  nga mahitabo matag  December 1.   Suma pa nga atngan gyud kanunay sa mga artista ang maong kalihukan.

Nataypan ang beauty

Nagmaya si Bianca Umali sa dihang nahibaw-an niya nga na-feature ang iyang hulagway sa 9gag.com, usa ka sikat nga  website nga mopakita og  trending photos, ug  mga kasamtangang kalingawan sa kalibutan.  Nakugang siya sa dihang nabasa niya ang caption nga : “This 15-year-old girl got the beauty, but she also got talents and brain.”

Reunion

Gikalipay ni Robin Padilla ang pagkalakip niya sa bag-ong season sa Pilipinas Got Talent isip hurado gumikan kay subli niya nga makauban sa trabaho si Angel Locsin. Nagkauban ang duha kaniadto sa seryeng Asian Treasures sa GMA-7 niadtong 2007.

Giisnab ang hearing

Wala’y nitambong nga representante sa   My Bebe Love ug  Beauty and The Bestie sa unang hearing sa  Kongreso kalabot sa alegasyon nga duna’y mga anomaliya sa  2015 Metro Manila Film Festival (MMFF). Ang maong hearing gipangulohan ni Quezon City Second District  Representative Winston "Winnie" Castelo nga maoy  Chairman sa  House Committee on Metro Manila Development.

Lahi nga Antoinette

Gibutyag ni Antoinette Taus nga duna’y kabag-ohan  kaniya sa natad sa pag-arte ug makit-an kini sa pelikulang 'Lumayo Ka Nga sa Akin . ''It's really different from anything I usually do. I usually do a sweet pa-tweetums roles and teenybopper stuff. In this one, I play the ultimate villain. Kung napapanood niyo ang mga teleseryes and any Filipino movies, alam naman natin na meron talagang mga clichés throughout the year that are still there, that they use over and over,'' matud pa sa aktres.

Patrick sa All of Me

Gidugang si Patrick Garcia sa  cast sa  afternoon daily series nga All Of Me. Gikalipay kini sa aktor gumikan kay taud-taud na siya nga wala’y proyekto. Katapusan siya nga nakita sa seryeng Two Wives niadtong 2014.

Gerald ug Arci magpares

Mogama ang  Star Cinema og post-Valentine movie ug kasamtangan pa nga gipanday ang mahimong titulo niini.

Sila si Gerald Anderson ug Arci Munoz maoy bida sa nahisgutang movie project.

“I'm really happy that in the first few weeks of the year there was good news right away tapos napakagandang blessing and regalo talaga ni Lord yung movie and it's my first movie so I'm really happy and thankful," suma pa ni Arci ngadto sa  Push.com.ph.

Nagpanikad na si Arci  niini  ilabi na nga si Dan Villegas maoy direktor ug una kini nga higayon nga makapares si Gerald.

Sinulog Idol Season 7 kinsay modaog karong gabii?

Si Roy Lotfel Racaza nga taga Consolacion ang napili nga Star of the Night  niadtong Martes sa gabii sa ikalima nga gabii sa panagtigi sa nahibiling siyam ka finalists sa Sinulog Idol Season 7 diha sa Fuente Osmeña Circle.

Ang pambato sa Barangay Pasil ug transgender nga si Kristoffer Kristie Bedua kinsa maoy Star of the Night niadtong Lunes maoy nanamilit sa kumpetisyon human wala mauyoni sa mga hurado nga sila si Ultimate Voice Coach Jay Unchuan, ex-PDA scholar ug World Championships of the Performing Arts gold medalist Apple Abarquez ug Kapamilya Mas Winner Ka host Roy Empleo (guest judge niadtong gabhiona), ang pagkanta niini og “Honesty.”

Rock Night ang tema sa kumpetisyon niadtong Martes, diin maayo kaayong pagka kanta ni Roy ang awit nga ‘Too Much Love Will Kill You”  nga nakapahugyaw sa mga tawo nga naghugop sa Fuente.

Nakauban ni Roy isip top three finalists niadtong gabhiona sila si Michael Anthony Lao ug Denise Jeremiah Exaltacion. Samtang sa bottom three mao ang sama kang Kristie nga nahimong Stars of the Night nga sila si Jose Thaddeus Roble III ug May Kayla Barrientos.

Gipaabot nga duha ang gitangtang sa mga hurado kagabii ug maoy magtigi karong alas siete sa gabii alang sa grand finals diha sa Fuente Osmeña Circle.

Ex-PBB housemate mipanaw

Mipanaw na ang kanhi housemate sa Pinoy Big Brother nga si   Marnill “Kigoy” Abarico gumikan sa  cardiac arrest didto sa iyang  hometown sa  Leyte sa miaging adlaw.

Ang 36 anyos nga si Marnill nailhan kaniadto isip  “Bay Diskarte ng Ormoc” sa dihang nisalmot sa  ikaupat nga season  sa  reality television show  nga PBB “Unlimited Edition” ug ka-batch sila sa Sugbuanon nga si  Slater Young . (BANAT NEWS)