Nagtuo ko nga walay nakabasa sa akong column niadtong December 6, a day after my birthday. Katong column nga nangayo og mga rosaryohan isip birthday gift. Yes, I really thought wala gyuy nibasa ato kay nagbutang ko og mobile number, wala man gyuy ni-text bisa’g usa. So I said to myself, ok fine! Pakkk!
Apan, usa ka semana, human adto, I got a private message from journalist Daryl Nino Toring Jabil, nangutana kun pwede pa ba muhatag og mga rosaryohan. Of course, of couse, very much! Pwede kaayo. And he said, mga few days pa kay sige pa og himo, naa pa sila sa mga 60 ka buok ang nahimo. And I thought, ahh daghan diay. Wow! Pakpak!
Ug sa dihang pag-abot nako sa office niadtong Miyerkules, gitunol sa lobby guard, (hatagan nya nako silang duha diay kay nangayo man. Ganahan kaayo ko og mga laki nga magrosaryo uy. Ang dili gwapo kay mugwapo gyud ug ang gwapo na daan musamot ka gwapo gyud sa akong mga mata basta magrosaryo), ang usa ka plastic. When I opened it, wow! Kanindot sa mga rosaryohan. Pagbasa nako sa gipasukip nga suwat, Nino said "blessed" na ang mga rosaryohan. Niya pa, "May this blessed rosaries be of use for deepening the faith. God bless. Toring Family." Ka hugyaw uy! Pakpak!
Nagtuo nga baligya nila ang mga rosaryohan but Nino said dili, believer lang gyud sila sa power of the rosary maong ganahan sila nga mapakatap kini ngadto sa kinabag-an. "My Auntie Aileen Toring is very happy to have led the rosary-making activity in our extended family household after reading your column." Nangutana ko kun namaligya ba sila og rosaryohan so that I can advertise, para makatabang sab ko in return, pero dili man diay-mahigugmaon lang gyud sila kang Mama Mary. Nino added, She thought of the idea upon reading your column lang gyud, then hunted for rosary beads and other materials dayon. Deboto among family ni Mama Mary man, especially Auntie Ai. Pakpak!
Salamat kaayo Toring Family, through Nino nga nagbirthday gahapon. Happy birthday Nin! Madungan na sab ang mga bata sa kabukiran nga makadawat og rosaryohan, mga tinun-an sa akong friend nga si Rhan Gingoyon sa ilang catechism class. By the way, katong akong gihatag niya nga dul-an sa usa ka gatos niabot sab diay to sa bukid sa Pamutan dinhi sa Dakbayan sa Sugbo. Kahilakon ko sa kalipay nagtan-aw sa mga rosaryohan from Toring Family as in. Very beautiful. Nisamot ka beautiful kay gipangunayan gyud. Again salamat kaayo! Pakpak!
Sa Facebook, naa na man toy mga nangayo sab. Nahugyaw ko. Buot pasabot daghan ang kumbinsido sa gahum sa rosaryo. Nindot man sab gyud nga hinatag imong rosaryohan kay sa ikaw ang mupalit kay masampingan mana nimo kay naa manay sentimental value. Kay kun ikaw mupalit ang imong hunahuna kay, you can always buy kun mabugto. Akong rosaryohan kay gift sa akong friend nga didto sa Rome two years ago. Hangtud karon mao pay akong gigamit. And by the way, gamiton gyud ang rosaryohan ha-dili ibitay-bitay lang sa sakyanan o himuong dekorasyon. It is not an accessory uy! Pakkk!
Bitaw katong ganahan pa mu-donate og rosaryohan-bisag pila kabuok-ako na nga dawaton kay daghan pa man ang nangayo. Ipadayon na lang gyud ni nakong okRYAN Share A Rosary Project hangtud sa hangtud. Ibilin lang sa guard diri's Freeman ha. Salamat daan!