MANILA, Philippines — Ilang araw matapos ang kalituhan, nagpadala ng mensahe ang pinakabagong Miss Universe Pia Wurtzbach kay Miss Colombia Ariadna Gutierrez.
Sa isang Instagram post ay sinabi ni Pia na pinagdikit sila ni Ariadna ng pambihirang pagkakataon dahil sa pagkakamali ng host nang ianunsiyong si Miss Colombia ang nanalo.
"To Ariadna, you are an amazing woman," nakasaad sa caption ni Pia. "Now we are bonded together forever by a unique experience."
Inilarawan pa niya ang pambato ng Colombia na "strong and beautiful inside and out."
"Fate has a plan for you, and I'm excited to see what's ahead," dagdag ni Pia.
Hiniling din niya sa publiko na itigil na ang pag-aaway dahil sa insidente ng kalituhan sa pagpapakilala ng panalo.
"Miss Universe Organization is about uniting empowered women from all over the world," pakiusap ni Pia. "Arguing and sending hateful messages to each other defeats the whole purpose."