A not so merry Christmas for Sen. Grace Poe and millions of Filipinos.
Paano magkakaroon ng isang maligayang pagdiriwang ng kapanganakan ni Hesus ang napakaraming Pilipino kung mabibigo silang iluklok sa posisyon bilang pangulo ng bansa ang diniskuwalipika ng Comelec sa ikatlong pagkakataon na kandidatura ni Sen. Grace Poe sa pagka-pangulo.
Nagbabadya ito ng isang hindi magandang kaganapan sa nalalapit na eleksyon sa 2016.
Tsk. Tsk. Tsk.
Pia bibigyan ng pinakamataas na pagkilala ng kongreso
Hindi pa man nakakauwi si Miss Universe Pia Wurtzbach ng bansa matapos siyang manalo sa napaka-kontrobersyal na Miss Universe pageant ay isang malaking sorpresa na ang naghihintay sa kanya. Ito ay isang Congressional Medal of Distinction, ang pinakamataas na karangalan na ibinibigay ng Kongreso sa isang “exemplary individual.”
Bago ito ay kailangang mag-adopt pa ng Kamara ng isang resolusyon para maibigay ito kay Miss Universe 2015. Wonder kung nabigyan din nito ang pinakaunang Miss Universe o Miss International.
Star Wars ibabalik sa mga sinehan?!
Kung naapektuhan man ng Star Wars ang pagpapalabas ng mga pelikulang kasali sa New Wave Category ng MMFF 2015, sana ay mabigyan pa sila ng pagkakataon na maipanood ang pelikula outside of the MMFF or after the MMFF. Marami kasing fans ng Star Wars. Baka nga kung nakasabay pa ito ng mga MMFF movies ay baka pati ang mga ito ay mag-suffer din.
Sana lang ay napaghahandaan ng MMFF ang mga ganitong sitwasyon.
Lilima lang naman ito pero, tatlo ay nabigyan ng A ratings ng Cinema Evaluation Board (CEB) kahit sa New Wave Category sila pumasok - kaya alam mong magaganda at talagang panonoorin.
Ejay at Vina may relasyon
Tunghayan ang kwento ng mag-asawang pinatunayan na walang pinipiling edad ang wagas na pagmamahalan sa Sabado (Dec 26) sa MMK.
Gagampanan nina Ejay Falcon at Vina Morales ang papel nina Resty at Charito, mag-asawang limang taon ang agwat sa isa’t isa. High school pa lang noon si Resty (John Manalo) habang kakatapos lang ng college ni Charito (Meg Imperial) nang sila ay naging magkasintahan kaya naman ganoon na lang ang pagtutol ng pamilya ni Charito sa binata.
Magtatanan ang dalawa at patutunayan ni Resty na kaya niyang buhayin si Charito at magiging mga anak nila. Kalaunan ay matatanggap din ng pamilya ni Charito si Resty ngunit lingid sa kanilang kaalaman na may mas malaki pa palang hamon na paparating na susubok sa tibay ng kanilang pagmamahalan.
Kasama rin sa upcoming episode ng MMK sina Encar Benedicto, Bing Davao, Neil Coleta, Rochelle Barrameda, Marlann Flores, Jeff Gaitan, Claire Ruiz, Noel Colet, Joaquin Reyes, Jacob Dionisio, Raine Salamante, Sonia Mejia, at Carla Martinez. Ang episode ay sa ilalim ng direksyon ni Jerry Lopez Sineneng.
Samantala, maaari na ring panoorin ang full episodes o past episodes ng MMK gamit ang ABS-CBNmobile.