Suportado sa bana

CEBU, Philippines – Gipasaligan ni Heart Evangelista ang usa niya ka instagram follower nga suportado sa iyang bana nga si Senator Chiz Escudero ang iyang career ilabi na ang iyang pagpakita og cleavage sa cover sa Rogue magazine karong buwana.

Gikagubtan sa Hongkong

Nitekang niadtong nilabay nga adlaw didto sa Hongkong sila si John Lloyd Cruz ug Bea Alonzo alang sa premiere night sa ilang reunion movie, ‘A Second Chance” sa Star Cinema ug ubos sa direksyon ni Cathy Garcia Molina. Giisip na karon nga highest grossing Filipino movie of all time ang maong pelikula human kini nirehistro og P442 million sa takilya.

Starstruck ang Kris!

Gipadayag ni Kris Bernal nga nagwala siya sa iyang kaugalingon makadiyot dihang nakit-an niya si Maine Mendoza sa studio sa Sunday Pinasaya niadtong Domingo. Nibalik sab matud pa siya’g ka tralala human nila og pahulagway. Matud ni Kris, nahugyaw siya sa kamapaubsanon ni Maine ug mas gwapa sab matud pa kini sa personal.

Dolce Amore

Pasok sa cast sa Dolce Amore sila si Matteo Guidecelli ug Frenchie Dy. Ang nahisgutang proyekto maoy follow-up teleserye sa LizQuen, (Liza Soberano ug Enrique Gil), diin ang pipila ka eksena tua sa Italy himua pagkakaron, ubos sa direksyon ni Cathy Garcia Molina.

Inosente ang beauty

Nagnganga si Gladys Guevarra niadtong Domingo human siya nakasaksi sa ginaksanay nila ni Maine Mendoza ug Julie Anne San Jose sa backstage sa Sunday Pinasaya. Wala nakasabot ang Gladys sa panghitabo, inosente matud pa iyang beauty. Nasayran nga nag-sorry si Maine kang Julie Anne human kini nalambigit sa “Twitter misunderstanding” nga nakapagubot sa Aldub Nation human nag’yes sa pangutana ang director sa Sunday Pinasaya kun may relasyon ba si Alden Richards ug Julie Anne.

Theme song singer

Si Yeng Constantino ang gipakanta sa Star Cinema sa theme song sa pelikulang “All You Need Is Pag-ibig” nga entry sa umaabot Metro Manila Film Festival ug gibituonan ni Kris Aquino. Lakip sab sa casts sila si Ian Veneracion ug Jodi Sta. Maria, kansang panagpares gihangop og maayo sa ilang fans sa teleseryeng “Pangako Sa’yo”.

Si Piolo diay unta

Gibutyag sa producer nga si Atty. Joji Alonzo nga nahunahunaan diay unta nila si Piolo Pascual isip leading man sa Metro Manila Film Festival entry “Walang Forever” hulip kang JM de Guzman. Apan dihang nasayran ni Alonzo nga kasamtangang nag-taping si Piolo og teleserye para sa ABS-CBN, wala na lang siya nipadayon gumikan kay nasayud siya nga maglisud ang actor niini. Si Jericho Rosales maoy gihulip kang JM isip pares ni Jennylyn Mercado niining maong pelikula.

Ryan magtaxi driver na

Dream come true alang kang Ryan Agoncillo nga siya maoy napili isip host sa Cash Cab Philippines nga mulugwa sa AXN sugod karong December 22. Suma pa niya nga nakakita siya sa maong show sa una pagsugod niini didto sa New York hangtud nga gidala nila kini didto sa Singapore. Pwes, labihan niyang lipaya dihang gitawagan siya nga maoy himuong host sa maong show. Magtuyok-tuyok sa Metro Manila ang maong show ug ang mga panghitabo anha ra sulod sa taxi mismo sanglit ang host maoy mudrive ug ang contestants mao ang mamahimong pasahero niini.

Ipadayon sa movie

Nangita na matud pa og scriptwriter si Albert Martinez aron maoy musuwat sa pelikula nga buot niyang mugnaon para sa iyang leading lady sa All of Me nga si Yen Santos sanglit daghan matud pa sila og fans nga nanawagan nga human sa ilang teleserye sa ABS-CBN, movie na sab ang sunod.

“Kebs lang”

“Kebs lang”. Mao matud pa ni ang baruganan ni Maine Mendoza kun bashers ug haters niya ang hisgutan. Suma pa ni Maine ngadto kang Jessica Soho sa Kapuso Mo Jessica Soho sa GMA7, karon nga nisikat siya nidaghan na sab ang iyang bashers ug haters. Apan gibalewala ra matud pa niya silang tanan ug mas naka-focus siya sa positibo nga panghitabo ingon man blessings niya sa industriya.

“Try and try until you die....”

Wala gyud magdahom si Denise Laurel nga siya maoy mudaog sa second season sa ABS-CBN hit show Your Face Sounds Familiar niadtong Domingo sa gabii.

Kini kay sulod sa 13-ka semana nga panagtigi nilang walo ka mga contestants, wala gyud siya nakadaog bisan ka usa.

Apan niadtong Domingo, gipildi niya ang mga professional singers nga sila si Kean Cipriano, KZ Tandingan ug Sam Concepcion. Gipaagi sa text votes ang pagpili sa winner.

“More than complete. More than anything that I’ve ever asked for,” ni Denise pa dihang nahinabi sa mga tigbalita human sa iyang kadaugan.

Mismong si Denise nasayud nga hugyaw gyud ang iyang kadaugan sanglit wa gyud siya nakatilaw og daog sa matag semana nga panagtigi.

“Every week umiiyak yung anak ko kasi hindi nananalo. But I wanted to show him about hard work and perseverance, na  kahit anong mangyari, try and try until you die talaga and hard work,” nagkanayon siya.

Samtang ang second placer nga si Michael Pangilinan nagpaabot na nga si Denise ang mudaog.

“Sinasabi ko sa kanya, ‘Denise, this is for you’...  Naramdaman ko talaga na [para ito kay Denise],” niya pa.

Si Michael ang giisip nga “dark horse” sa kumpetisyon sanglit ang iyang mga nakatigi mga ilado na sa industriya.

“Ako, [feeling ko] nanalo na ako. Wala naman ako dapat patunayan, e. Kasi sa 14 weeks na ginawa namin, napatunayan na namin yun,” ni Michael pa.

Goodbye Barraza!

Dili pa sigurado kang kinsa nga gown ang isul-ob ni Pia Wurtzbach sa umaabot nga evening gown competition sa Miss Universe pageant didto sa Las, Vegas.

Apan suma pa sa www.fashionpulis.com sigurado na matud pa nga dili ang Colombian designer nga si Alfredo Barraza ang mumugna niini. Ang tsika mao nga gipilian pa kun Filipino designer ba or international brand ang gamiton.

Samtang national costume ni Pia mugna sa Pinoy designer nga si Albert Andrada.

Kahinumduman nga labihan ka kontrobersyal sa Bb. Pilipinas Charities Inc., sa nilabay nga tuig gumikan sa national cosctume sa pambato sa Pilipinas nga si MJ Lastimosa nga mugna ni Barraza, gumikan kay dili kini nindot tan-awon.

Mura matud pa og naglukdo og cake si MJ ug bugal-bugal ug insulto sa mga Pinoy world-class designer ang gibuhat sa BPCI.

Mattero magminyo na...

Hasta ang gown ni MJ nga mugna sab ni Barraza wala sab makaipsot sa pagsaway kay matud pa gisabotahi siya sa designer gumikan kay mas nindot pa ang gisul-ob sa nakadaog nga si Paulina Vega, kinsa pambato sa Columbia.

Gumikan niini, nagprotesta ang mga Pinoy batok kang BPCI chairperson Stella Marquez Araneta ug may mga nanawagan pa alang sa pagretiro na niini ug mas maayong mupauli na lang matud pa siya sa Colombia ug dili maghilabot dinhi sa Pilipinas.

Ang Miss Universe Coronation Night mahitabo didto sa Las Vegas karong December 20.

Maria Osawa nakauyon sa Pilipinas

Dili na matud pa mahibulong si Cesar Montano kun ilambigit siya ngadto sa iyang leading lady nga si Maria Ozawa. Gani, nagpaabot na siya niini.

Si Cesar ug Maria ang nagpares alang sa Metro Manila Film Festival entry “Nilalang.”

“Actually hindi ko na nga iniisip na baka. Talagang mangyayari ‘yun. Hindi naman nangyari na hindi nagkaroon ng linking or may controversy. Ang ginagawa ko na lang, I look at the brighter side of everything. Sabi ko magkaroon man ng controversy, sana makabuti sa pelikula. Sana makatulong sa box-office gross,” ni Cesar pa dihang nahinabi sa www.abs-cbn.com atol sa premiere night sa maong pelikula niadtong Domingo.

Samtang ang Japanese star nga si Maria nipadayag ngadto kang Cesar nga nalingaw kaayo siya sa shooting sa maong pelikula.

“I had fun filming the movie with you. All the scenes that I had were mostly with Cesar so I had fun every day,” ni Ozawa pa.

Matud ni Ozawa nga muapil sab siya sa parade of stars ug naghinamhinam na siya niini.

Dinhi sa Pilipinas usab siya magsaulog sa Pasko.

“I’m going to spend Christmas and New Year here. I’m excited for that because this is my first time spending holidays out of Japan and it happens it’s in the Philippines,” ni Ozawa pa.

Ang ‘Nilalang” action movie nga maghisgot sa Japanese syndicate kansang operasyon niabot dinhi sa nasud.

Angelia gipaabot na

Karong semanaha mahiuli sa nasud si Miss Earth 2015 Angelia Ong human siya gikoronahan didto sa Vienna, Austria.

Daghan nang mga nagpaabot sa iyang pagbalik aron personal nga mapahalipayan si Angelia ilabi na nga nimugna siya og kasaysayan sa maong pageant sanglit unang higayon kini nga back-to-back ang mga winners.

Kahinumduman nga ang Sugbuanon ug pambato sa Pilipinas nga si Jamie Herrell ang nidaog sa nilabay nga tuig ug maoy nikorona kang Angelia.