Yaya Dub, puntirya ng mga nega

Kung kailan nagsi-settle down na ang mala-reynang paghanga kay Maine Mendoza na talaga namang mahirap pang mapantayan ang tinatamasang kasikatan ngayon, ayun at nakakita ang mga kalaban niya ng pambala sa kanya. Sa isang pagkakamali na sinasabing ginawa niya, hayun at ibinibitin na siya sa mga babasahin at pinaparusahan na parang may malaking krimen na siyang ginawa gayung miminsan lamang siya nakitaan ng ugali na hindi bagay sa kanyang estado.

Hindi ako tagahanga ng discovery ng Eat Bulaga, pero hanga ako sa suwerteng dumating sa kanya. May nakalimot lamang magpaalala sa kanya na hawakang mabuti ang kanyang suwerte para hindi makahulagpos ang napaka-elusive na luck na bihira lamang sa mga tulad nilang artista ang pinagkakalooban. Tsk. Tsk. Tsk.

Bistek masuwerte sa mga kapatid

Masuwerte si QC Mayor Herbert Bautista dahil may mga kapatid siyang kilala rin ng tao na naging bahagi rin ng industriya ng lokal na aliwan, sina Harlene at Hero Bautista. Hindi na nakaiskor pa ang mga miyembro ng press na regular nang iniimbita ni Mayor tuwing kaarawan nila.

Lubhang puno ang schedule ng ama ng Lungsod ng Quezon kaya hindi ito nakarating sa kanyang blowout sa press, pero more than able siyang ni-represent ng kanyang mga kapatid.

Ang dalawa rin niyang nakababatang kapatid ang kasama niya sa kanyang paggawa ng mga pelikula. May natapos silang movie, ang Lumayo Ka Nga Sa Akin na nagtatampok kay Mayor at Maricel Soriano.

Nora inoperan ng Amerika na operahan

Sana hindi lang sa punto ng dinudumog siya ng napakaraming mga tagahanga niya maikukumpara si Alden Richards sa Superstar na si Nora Aunor. Sana masundan din niya ang magandang record nito bilang isang mahusay na artista lalo’t nagsimula nang kilalanin ang kanyang husay bilang aktor.

Speaking of Nora, meron palang nag-alok ng tulong sa kanya para maipaopera niya ang kanyang lalamunan. Ito ang health adviser ng pangulo ng USA na nakilala niya nang tumanggap siya ng award sa GUSI International Peace Prize. O baka naman hindi na naman matuloy ang operasyon niya, huh!

Elmo sinunog ang tulay sa GMA

Aalis din pala sa GMA si Elmo Magalona ay hindi pa siya nagpaalam ng maayos nang umalis siya. Nagsinungaling pa siya at nagsasabing mag-aaral muna siya. Tapos nalaman na lamang nila na nasa ABS-CBN siya. Pinutol agad niya ang tali na nag-ugnay sa kanila ng Kapuso Network na sa totoo lamang ay nagbigay din ng mga magandang pagkakataon.

Hindi naman pala nila siya pipigilan dahil wala talaga silang ma­hanap na mga proyekto para sa kanya. Tsk. Tsk. Tsk.