Nagtataka ang followers ni LJ Reyes kung bakit pumapayag itong tumodo sa pagpapaseksi sa kanyang mga ginagawang movie.
Hindi naman siguro raw siya kinakapos sa offer. Pero dahil gumagawa siya ng mga ganitong eksena kung kaya kapag may movie na may hot scenes ay siya na agad ang naiisip.
Okay mag-sexy scenes, pero dapat daw ay nilalagyan niya ng limitasyon ang sarili niya.
Mga makakasama ni Claudine sa proyekto, natsutsugi?
Bakit naman napapalitan ang mga naunang artista sa mga proyekto ni Claudine Barretto?
Unang nawala si Derek Ramsay sa serye na gagawin niya sa TV5. Buti na lang at nakuha agad na kapalit si Diether Ocampo. Ngayon naman ay si Jasmine Curtis-Smith ang nawala sa isang proyekto din na gagawin niya.
Napunta na kasi ito sa Panday na pagbibidahan ni Richard Guiterrez.
Tatlo silang bidang babae sa Panday, ang dalawa pa ay sina Sam Pinto at Sarah Lahbati.
Elmo sinisisi sa pagdidiskaril ng ibang Kapamilya
Mukhang may mga madidiskaril na karera sa paglipat ni Elmo Magalona sa Kapamilya network.
For one ang mga nauna nang kapareha ni Janella Salvador na maiitsapwera na sa young actress dahil nga sa pagbabago ng kapareha niya. Tsk. Tsk. Tsk.
Starstruck survivors, masayang-masaya ang Pasko
Isang magandang Pasko para sa dalawang kabataang unknown na mapipili bilang Ultimate Male & Female Survivor sa Starstruck.
Dalawang baguhan naman ang mabibigyan ng pagkakataon na maging artista at sumikat sa kinabukasan.
Sa dinanas ba naman nilang hirap para makaabot sa finals, hindi malayong artistahin sila’t may talent.