CEBU, Philippines – Mikita na og kapin sa P400 million ang pelikula nila ni Bea Alonzo ug John Lloyd Cruz nga “A Second Chance” sa 10 ka adlaw pa lang nga pagpasalida niini sa mga sinehan. Una na nga gipadayag ni Bea nga wala dayon siya makatoo sa kadako sa kita sa maong pelikula busa dako ang iyang pasalamat ngadto sa mga nanan-aw niini.
Giabibahan og maayo
Hugyaw nga mga production number ang gidalit sa concert ni Sarah Geronimo sa Araneta Coliseum sa miaging gabii . Sa matag gawas niya sa entablado, siyagitan gyud siya permi gumikan lami niya nga tingog ug pun-an pa gyud sa iyang mga sexy outfit.
Anne misuporta ni Sarah
Nitan-aw si Anne Curtis sa From The Top concert ni Sarah Geronimo dili pa lang dugay. Suma pa ni Anne nga kauban niya si Sarah sa Viva busa malipayon siya sa kalampusan sa singer.
Mosikad sa 2016
Ang pelikula nila ni Quezon City Mayor Herbert Bautista ug Maricel Soriano nga Ang Lumayo Ka Nga Sa Akin maoy opening salvo sa Viva Films karong 2016. Nagpanikad na ang duha sa mahimong resulta niini.
Lig-on gihapon
Naanad na lang si Janine Gutierrez sa mga intriga nga matud pa nagbuwag na sila ni Elmo Magalona. Suma pa ni Janice nga nagpabiling lig-on ang relasyon nila ni Elmo bisan pa man nga nagpasilong na kini sa ABS-CBN.
Wala maanad
Giklaro ni Bela Padilla nga dili siya anad nga mosaulog og Pasko ug Bag-og tuig gumikan sa iyang relihiyon. Bisan pa man niini, aduna gihapo’y tinagoang wish si Bela.
Balibad gihapon
Gitanyagan na pud si Alden Richards og dakong kantidad gikan sa usa ka politiko. Gibalibaran kini og balik ni Alden ug dili pa siya andam nga mopaluyo og politiko.
Barbie gisaway
Giangkon ni Barbie Forteza nga duna gyu’y viewers ang nisaway sa iyang performance sa Sunday PinaSaya ug ang uban niini nitawag kaniya og “OA” o over acting. Depensa pa ni Barbie nga igo ra siya nisunod sa script
Hugyaw nga gift
Giregalohan ni Chito Miranda og .22 caliber long rifle ang iyang asawa nga si Neri Naig. Suma pa ni Chito nga mahiligon si Neri og firing busa nakahuna-huna siya nga mao kini ang ihatag ngadto sa iyang asawa. “Got my wife her own rifle para sumama na sya sa akin tuwing magpa-firing ako, at para kapag may magnanakaw, she'd be able to protect herself better,” suma pa ni Chito.
Nanuroy sa Amsterdam
Gikumpirmar ni Jennylyn Mercado nga nag-uban sila ni Dennis Trillo sa pagbakasyon didto sa Amsterdam. Giklaro hinuon sa aktres nga grupo sila niadtong higayona ug taud-taud na kini nga giplano.
Pambatwo sa Pilipinas maoy Ms. Earth 2015
Ang pambato sa Pilipinas nga si Angelia Ong maoy napili nga Miss Earth 2015. Gipahigayon ang koronasyon bag-ohay lang sa Vienna, Austria.
Gikatigi ni Angelia ang 85 ka mga kandidata gikan sa nagkalain-laing nasud. Atol sa “question and answer portion”, ang 25 anyos nga si Angelia gipangutana kung unsa ang magama niya nga slogan sa sunod nga 15 ka tuig sa nahisgutang indigay. ”We will, because we can,” tubag pa ni Angelia. Gisuportahan niya ang iyang tubag og , “I want to let everybody know that all things are possible and all things are feasible if we work together.”
Gikalipay kini og maayo ni Angelia gumikan kay pabilin gihapon nga gihuptan sa Pilipinas ang maong titulo. Kahinumduman nga ang pambato sa nasud nga si Jamie Herrell maoy napili nga Miss Earth sa miaging tuig.
Mao na kini ang ikatulong korona nga naangkon sa Pilipinas sa maong indigay. Gawas kang Angelia ug Jamie, nahuptan napud kini ni Sugbuanong beauty queen nga si Karla Henry niadtong 2008. Ang ubang mananaug sa Miss Earth karong tuiga mao sila si Dayanna Grageda sa Australia, Miss Earth-Air (first runner-up); Brittany Payne sa USA, Miss Earth-Water (second runner-up); ug Thiessa Sickert sa Brazil, Miss Earth-Fire (third runner-up).
Trivia: Back to Back International Pageantry Victory for the Philippines
1982 and 1983 Miss Asia- Maria del Carmen Zaragoza ug Gloria Dimayacyac. 2012 and 2013 Miss Tourism International- Rizzini Alexis Gomez ug Angeli Dione Gomez.
2014 and 2015 Miss Earth-Jaime Herrel ug Angelia Ong.