CEBU, Philippines – Usa ka libre nga concert ang pagabituonan ni Fr. Jonas Mejares, Rector sa Basilica del Sto. Nino diha sa Mariner’s Court sa pier uno karong gabii, isip pagsaulog sa iyang 25th sa- cerdotal.
Ang sacerdotal nagpasabot og “priestly”, o sa laktud nga pagkasulti, kasumaran sa iyang pagka pari.
Ang maong kasumaran, pagasugdan ni Mejares og Santos nga Misa, karong 5:30pm diha sa Pilgrim Center ug pagasundan dayon sa nahisgutang libre nga concert.
Aduna usab siya’y ipanghatag nga commemorative album nga adunay siyam ka mga awit, agig pasalamat ngadto sa iyang mga higala ug tanan nga nagpaluyo kaniya.
Paborito niya niining maong mga kanta ang carrier single mismo nga “If I Ever Sing Another Song. Kini gumikan kay para kang Mejares ang awit, “speaks about a song and voices that could bring love and unity to the world.” Ang pito sa siyam ka mga kanta, naggikan sa iyang original album kansang mga awit ginama sa iyang higala nga si Raul Lantican. Ang duha mga kanta mao ang You Raise Me Up ug Forevermore nga gimugnaan ni Mejares og iyang version. Guest niya karong gabii ang mga Sinulog Idol winners ug finalists, ingon man ang bantugan na kaayo ug world-class performer nga UV Chorale.
“Priesthood” Ang Boholano nga si Mejares nisaysay nga ang iyang apohan nga babaye gayud ang nagdasig kaniya nga magpari sanglit nagtubo siya nga ubos sa pagmatuto niini kaniadto.
Paambit pa ni Mejares, kasakit, kalipay, pag-antos ug pagsuway ang iyang nasinati sa iyang pagka pari sulod na sa 25 ka tuig. Apan taliwala niining tanan, ang iyang pagka pari nahimo usab nga tinubdan aron makatabang sa uban.
“There's joy of being a priest although priesthood entails a lot of sufferings, struggles and challenges..it has its own sources and opportunities of mercy and compassion...it can bring healing to people who are sick (physically, emotionally and spiritually), niya pa. Ug gumikan niini, kun mahimugso man gani siya pag-usab, pilion gihapon niya ang bokasyon sa pagka pari.
“Sure, there were times of discouragement, frustration, and fatigue –everyone has those. But if I had to live over again, I'd choose the same life,” ni Mejares pa.
Ug kun duna man gani siya’y labing ipasigarbo isip pari, kini mao ang, “Evangelizing people through singing.I've been enjoying my life as a priest..It brings me immense satisfaction and deep happiness to work with people in many ways. As a minister of the Gospel, I have the opportunity to touch the very center of other's lives by trying to communicate the unconditional love Jesus has for us through music.”