Tinubdan sa tam-is nga pahiyom

CEBU, Philippines – Nag-una nga responsibilidad sa usa ka lalaki  nga duna’y uyab  mao nga panggaon gyud ang babaye  ug mag-uros uros gyud ang ilang kalipay  kung makakita sa babaye nga duna’y tam-is nga pahiyom.

Suma pa sa artikulo nga namantala sa  www.syncrat.com, : “If you want to make a woman or girl in your life smile, it really doesn't take that much effort. “

Lain-laing sitwasyon ang mahitabo sa umaabot nga mga adlaw. Matud pa nga  ang “true romance” alang sa mga babaye , wala mag-agad sa mahalon nga regalo ,  social nga restaurant o  ba kaha  mahalon nga mga alahas,

Simple ra matud pa nga butang ang makapalipay sa babaye nga mabatyagan gyud niya nga gipangga  gyud siya sa iyang hinigugma, ug kini gihulagway nga “cute” nga pamaagi  nga nailhan usab sa kadaghan nga pakilig.

• Isulti kaniya kung unsa siya ka espesyal sa imong panan-aw. 

• Ang pagkupot kaniya o pagakos bisan pila ka segundos, makapalipay kaniya.

• Gawas sa aping, hagki ang iyang agtang panagsa.

• Kung duna mo’y hugyaw nga phone, padalhi siya og voice message aron maoy mosugat niya sa iyang pagmata sa buntag.

• Kung duna siya’y gamay nga kahiubos kanimo, gaksa siya og maayo ug sultii kung unsa siya ka importante sa imong kinabuhi.

• Dayga siya bisan sa gamay nga butang nga iyang gihimo.

• Cute pud ang pagpadala og love letter kaniya, aron duna siya’y kalingawan og basa kung pananglitan dili mo magkita.

• Ikalipay og maayo sa babaye kung ipaila-ila nimo siya sa  imong pamilya ug mga higala.

• Kung mag-uban mo, kung duna ka’y isungog kaniya, kini mao ang pagduwa-duwa sa iyang buhok .

• Kung kuguson nimo siya, malingaw siya niini.

• Paggama og funny jokes alang  kaniya .

• Kung giduka siya samtang nag-date mo, pahigdaa siya sa imong bukton, samot gyud ang kilig effect.

• Kung saputon siya nimo, kaliti og halok, mahuwasan ra na.

• Tutoki ang iyang mata, ug pahiyom  dayon.