CEBU, Philippines – Suma pa ni Ken Chen nga aduna na matud pa siya’y mga lalaki nga admirers gumikan sa iyang role sa toprating series sa GMA7 nga “Destiny Rose.” May mga nanguyab pa gani niya pinaagi sa social media kay nagtuo nga transwoman gyud siya.
Indecent proposal
Seven figures o milyon ang nadawat nga tanyag ni Derrick Monasterio gikan sa usa ka socialite nga buot makig one night stand niya. Kini human nakit-an siya nga hunk na kaayo og lawas human usab siya nirampa atol sa Cosmopolitan Bachelor Bash niadtong September. Iya matud pa nga gibalibaran gumikan kay makakita ra man siya sa maong kantidad pinaagi sa iyang pagka artista.
Magtuon gyud
Matud pa ni kanhi Miss International Melanie Marquez nga kinahanglan gyud matud pa nga mangandam ug makisayud sa mga isyu sa katilingban kun buot magpapili alang sa nasudnong posisyon. Mao ni reaksyon niya dihang gipangutana kabahin sa nahitabo kang Alma Moreno atol sa show ni Karen Davila sa ANC niining bag-o lang.
Ila ra na
No comment ang Carla Abellana sa giyagyag ni Cai Cortez nga dako og kargada ug nagkauyab sila kaniadto ni Tom Rodriguez. Suma pa ni Carla, ila ra nang isyu ug dili siya buot maapil. Hinuon, ang gibutyag ni Cai nahitabo niadtong dili pa sikat si Tom ug dili pa sila ni Carla.
Suportado ni Janine
Gipadayag ni Elmo Magalona nga nagkasabot gyud sila ug suportado sa iyang uyab nga si Janine Gutierrez ang iyang pagbalhin sa ABS-CBN. Matud ni Elmo nga gaan ra gani kaayo ang ilang panag-istorya ni Janine kabahin niini. Kahinumduman nga unang nagkatrabaho sila si Janine ug Elmo sa remake sa Villa Quintana sa GMA7 ug dinhi naugmad ang ilang relasyon.
Beautfiul Kabkaban festival 2015
Good day to all of you my SKB! Unang Domingo karon sa panahon sa Advent sa tinuhuang Romano Katoliko sama nako, mao nga ang humana og simba, very good! Ug sa wala pa, go na!
Niadtong miaging Domingo, Nobiyembre 22, mao sab ang kapistahan sa Christo Rey ug dungan niini gipahigayon sa dakbayan sa Carcar ang ilang mabulokong Kabkaban Festival diin nahimo nakung suki uban ang mga higala sa Cebu Media pinaagi sa imbitasyon ni Mommy Candice Unique Sandiego-Acuña ang abtik ug kugihan kaayo nga Information/Tourism Officer sa siyudad sa Carcar.
Sud na sa 13 ka tuig, usa sa mga highlights sa ilang kapistahan pahinungod sa ilang mahal nga patrona nga si Santa Catalina de Alexandria ang pagpahigayon sa Kabkaban festival nga maoy usa sa mga karaang pangan sa gitawag na karong The Heritage City of the South sa lalawigan sa Sugbo.
Wala una gihimo nga usa ka contest ang Kabkaban nga gisalmutan sa 10 ka dagkung tunghaan sa high school sa maong lugar. Matud ni Mayor Nice Puro Apura, gihatagan sa kagamhanan og subsidy ang matag contingent aron duna silay ikagasto sa ilang costumes ug props.
Gipakita sa Kabkaban festival karong tuiga ang timeline sa mga nahitabo sa Carcar sukad sa karaan pa nga panahon sa wala pa naabot ang mga foreign invaders, hangtud na sa panahon sa pag-abot sa mga Katsila ug Amerikano. Duna say mga performances nga mipakita sa mga kulturang tatak Carcaranon sama sa arte, culinary arts ug sa ilang pagka-relihiyoso. Naapil sab ang pagkahimo ining siyudad ug sa ilang kaikag sa umaabot nga 51st International Eucharistic Congress.
Sa 10 ka contingent nga mi-perform sa street dancing ug ritual showdown dunay pilian aron maoy mo-representar sa Carcar alang sa umaabot nga Sinulog festival sa dakbayan sa Sugbo karong ikatulong Domingo sa Enero 2016.
Pagka Martes sa gabii, Nobiyembre 24, besperas sa kapistahan sa nahisgutang siyudad, milugwa na sab akong beauty aron motan-aw sa koronasyon sa Binibining Carcar nga gidumala sa Ozar Production Philippines. Hugyaw kaayo ang production oi nga dunay temang Beleza, nga usa ka tipik sa kultara sa nasud nga Brazil.
Imbis sa naandang Miss Carcar diin lumad nga Carcaranon ang paapilon sa maong indigay sa kaanyag ug kalantip sa pangisip, nadesideran sa working committee nga himuon kining open to all. Kini aron kun kinsay mudaug iyang i-representar ang City of Carcar sa national pageants sama sa Binibining Pilipinas o Miss Earth Philippines. O diba, bongga?
Gikan sa 15 ka mga kandidata nga nag-representar sa 15 ka mga barangay sa Carcar, gipili ang Magic 5 diin gipili ang top 3 alang sa Binibining Carcar - Tourism, Binibining Carcar - Earth ug Binibining Carcar.
Nahugyaw ko sa final question alang sa Magic 5...The question went like this: If you become the Mayor of Carcar, what are your top three programs to develop the city?
Personally bet gyud naku ang tubag sa nakalangkat sa korona nga si Kattie Sanders, 17 anyos usa ka half-Pinoy ug half-American nga black beauty. Para nako dili scripted ang iyang pagkatubag. Dunay "innocence" kun akong mga friendship pa maoy pasultihon.