MANILA, Philippines – Nagpakitang-gilas ng katatagan sa pangunguna sa buong Pilipinas ang ABS-CBN sa pamamagitan ng #BiyahengPINAS trade event ng ABS-CBN Regional. Ang trade event na ginanap sa White Space Manila ang nagsilbing pagbibigay-salamat ng Kapamilya network sa kanilang mga masugid na advertisers sa mga programa ng ABS-CBN at ABS-CBN Regional. “Gustong bigyan ng ABS-CBN Regional ang mga loyal Kapamilya viewers sa mga probinsya nang kung ano ang dapat naming ihandog sa kanila: mas magagandang regional shows para i-showcase ng bawat lokal, bawat probinsya kung ano ang kaya nilang gawin, maging sa masasarap na pagkain man o sa mga tanawing napaka-ganda. Gusto rin naming magpasalamat, sa pamamagitan ng #BiyahengPINAS, sa aming mga business partners at advertisers na masugid na sumusuporta sa programa namin,” sabi ni ABS-CBN Regional head Atty. Abigail Querubin-Aquino.
Sa kainitan ng #BiyahengPINAS, nagtilian lalo ang mga guest ng ABS-CBN Regional ng maglabasan ang mga Kapamilya hunks na pinangunahan ni Piolo Pascual, ang Pasion De Amor leading men na sina Jake Cuenca, Ejay Falcon, at Joseph Marco. Nagwala ang audience nang makisalamuha ang mga artista at nakipag-picture pa. At para sa mga kalalakihan, nagbigay ng napakainit na opening number si Maja Salvador. Si Matteo Guidicelli naman ang nag-closing number sa pamamagitan ng pangha-harana niya sa mga dumalo sa trade event. Hindi rin naman nagpahuli ang Pangako Sa’ Yo actor Joem Bascon, Banana Sundae funnyman Jason Gainza, at ang young love team nina Joshua Garcia at Loisa Andallo ng Nasaan Ka Nang Kailangan Kita.