Matagal-tagal ding hindi gumawa ng pelikula ang Kapamilya actor na si John Lloyd Cruz kaya sabik ang kanyang fans na siya’y muling mapanood sa big screen.
Mapapanood na sa November 25 ang bagong movie at balik-tambalan nila ni Bea Alonzo na A Second Chance na muling idinirek ng paborito nilang director na si Cathy Garcia-Molina.
Samantala, hindi ikinakaila ni John Lloyd na sobra na silang kumportableng magkatrabaho ng kanyang perennial screen partner na si Bea kahit wala silang naging relasyon even before. Bukod sa may kakaibang magic ang tandem nila, utang na loob din nila sa kanilang director na si Cathy Garcia-Molina kung anuman meron sila bilang magka-loveteam.