Aminado si Ritz Azul na nagkaroon siya ng takot at kaba nang mabalitaang ang Viva at si Vic del Rosario na ang hahawak sa mga show ng TV5. Panandalian siyang nag-worry sa kanyang career.
Pero isa nga sa mga bintanang nagbukas kay Ritz ay ang pagpareha niya kay Diether Ocampo sa Wicked Ways episode ng Wattpad Presents sa November 23 to 27 ang airing.
May kissing scenes at bed scene si Ritz kay Diether na ginawa niya nang walang reklamo. Ang hinihintay nito ay masama uli sa teleserye ng network na feeling niya ay ibabalik ng Viva.
Hindi nakasama si Ritz sa TV5 talents na nakipag-dinner kay boss Vic, sinabihan siyang pumunta sa Viva para mag-go see at hinihintay lang niya kung kailan siya pupunta para makipag-usap.
Magtatapos ang kontrata ni Ritz sa TV5 sa January 2016. Hindi pa napag-uusapan kung magre-renew siya ng kontrata, pero kung maganda ang plano ng TV5 at Viva sa kanya, walang rason para hindi siya mag-renew. Excited na rin naman siyang gumawa ng pelikula sa Viva Films na posibleng mangyari.
Ryan napipisil na host ng taxi na mamimigay ng datung
Si Ryan Agoncillo ang napiling mag-host ng Philippine edition ng Cab Cash, isang reality TV show. Sa second week ng December ang presscon at doon malalaman natin kung paano siya napiling mag-host na mapapanood sa third week ng December sa AXN Philippines.
Si Ryan ang magiging Manong Driver sa taxi na ang sasakay ay tatanggap ng cash prize mula sa kanya. Hindi pa man nagsisimula ang show, marami na ang gustong sumakay para manalo at makita nang personal si Ryan.
May mga nagulat pa na may Cash Cab na rito sa Pilipinas.
Nakakatuwa ang post ni Ryan sa Instagram (IG) na “baby no.3 on the way! time to take an extra job #cashcab #axnphilippines #theonlycabthatpaysyou #manongdriver”
Masuwerte itong si Ryan sa game at reality show gaya ng first Philippine Idol, Fear Factor, Talentadong Pinoy, at ang award winning na Picture! Picture! Ngayon ay sa international channel na siya mapapanood.
Matagal na palang nire-request ng Kapuso viewers at fans ni Ryan sa GMA 7 na ibalik ang Picture! Picture! na kung kailan na-recognize ng international award giving body ay saka naman itinigil.
Nar Cabico pinabilib ang APEC delegates sa galing kumanta
Very proud ang mga kasama ni Nar Cabico sa Beautiful Strangers dahil mahusay na itong aktor ay magaling pang kumanta. Isa si Nar sa mga nag-perform sa harap ng APEC delegates at pinabilib niya ang mga dumalo.
Samantala, hindi makakalimutan ni Nar ang Beautiful Strangers dahil first teleserye niya ito. Naging bestfriend din niya si Lovi Poe at pinapirma siya ng one-year contract ng GMA Artist Center.