Nauna nang sinisi ang Kapuso Network sa pagkawala ni Asia’s Songbird Regine Velasquez sa napapanood ngayon na Christmas Station ID ng GMA. Akala ay nakalimutan lamang siyang isama ng istasyon na hindi mapapatawad ng maraming tagasubaybay dahil paano nga naman makakalimutan ang isang reyna?
Katanggap-tanggap pa kung siya ay isang dama lang, pero pambato nga siya ng istasyon kaya pinagtakhan ang absence niya sa naturang station ID.
Si Regine mismo ang umamin ng kasalanan. Sinabi nito na wala siyang makitang oras para maisingit ang taping niya sa nasabing Christmas station ID. Palaging natatapat ito sa taping ng mga programa niya.
Hindi lamang siya ang Kapuso artist na hindi makikita sa Christmas station ID, meron pang iba na katulad niya na hindi rin nahanapan ng schedule ang taping.
Kenzo ng PBB susubukan kung kakagatin sa serye nina Julia at IÑigo
Umaarangkada na ang mga housemate ng PBB (Pinoy Big Brother) 737. Hindi lamang ang mga miyembro ng Big 4 ng regular at teen housemates ng PBB ang ratsada ngayon sa TV kundi pati ang nauna nang na-evict na si Kenzo Gutierrez na kasama na sa inihahandang bagong teleserye ng Kapamilya, ang And I Love You So katambal si Miles Ocampo na nagtatampok kina Julia Barretto at Iñigo Pascual.
Pinaka-promising sa mga sinusubukan ngayon ng Kapamilya si Tommy Esguerra na dapat pang maghasang mabuti ng kanyang Tagalog. Sila ni Miho Nishida ang inihahandang pilit para magdala ng It’s Showtime dahil sa rami ng kanilang tagasubaybay at sa lakas ng kanilang tandem.
Mukha namang humahamig sila dahil lumiliit ang lamang ng Eat Bulaga sa kalabang programa ng ABS-CBN.
Luis bumusina kay Billy bago tinanggap ang game show
May maniniwala bang makakayang sulutin ni Luis Manzano ang isang programa ng best friend niyang si Billy Crawford? Ganito kasi ang pananaw ng marami sa ginawa niyang pagpalit kay Billy bilang host ng Celebrity Playtime na dahil nalipat ng time slot ay naging kasunod na ng Your Face Sounds Familiar na si Billy rin ang host.
Magiging unhealthy nga naman ito sa karera ng dating taga-That’s Entertainment dahil mao-over expose siya. Kaya kinuha si Luis para palitan siya. Pero bago tinanggap ni Luis ang game show ay talagang kinausap muna niya si Billy at hiningi ang blessing nito.
Teri hindi tsamba ang galing sa aktingan
Bakit si Nora Aunor lamang ang sinasabing tinalo sa pagka-Best Actress ng child star na si Teri Malvar at inakalang tsamba lamang ang panalo nito? Pero sa katatapos na Cinema One Originals Film Festival ay muling nanaig ang child actress para sa movie niyang Hamog na winner din ng Jury Prize at Best Editing laban sa mas nakatatanda sa kanyang artistang babae at hindi lamamg laban sa Superstar.