In a Dozen Dj Ru
CEBU, Philippines - Bugnaw ug tibuok ang tingog ug pipila sa babayeng listeners ang nakauyon niini. Kini ang usa sa kalidad sa usa sa mga personalidad sa Oomph Radio 105.1 nga si Dj Ru.
Gawas sa iyang pagka-DJ, ilado usab siya sa iyang pagka- cosplayer ug kanunay kini nga makadaug sa nagkadaiyang kompetisyon.
Kalmado ang iyang tingog sa kahanginan ug usa kini sa iyang asset kung nganong ganahan kaayo niya ang iyang listeners.
Dakong garbo alang kang DJ Ru nga mahimong kabahin sa Oomph Radio 105.1 gumikan kay gihuptan kini sa Viva Entertainment Inc.
12 Facts You Don’t Know About DJ Ru:
1. Film school graduate ko sa International Academy of Film and Television.
2. Taud-taud ko nga nakapuyo kaniadto sa Chicago, Illinois.
3. Ni-audition ko pagka- VJ sa MTV sa una, pero dili man kaayo ko hanas nga mag- Tagalog, sa Oomph Radio ko gibutang.
4. Aktibo ko sa cosplay community, maoy rason nga Otaku Hour ang pangalan sa akong programa sa Oomph Radio. Mga anime ang closing ug opening songs nga ipatukar nako sa akong programa.
5. Kahibalo ko mopatukar og saxophone.
6. Istrikto ko tan-awon pero kung maila-ila ko ninyo, kalog pud ko gamay, ug maulawon panagsa.
7. Love kaayo nako ang agriculture busa tig-ulian pud ko sa among farm sa Bukidnon.
8. Mahiligon pud ko mokanta.
9. Kenji ang pangalan sa akong ragdoll cat nga perming mamukaw nako kung grabe kaayo ang akong pagkatulog.
10.Dili ko kahibalo mo-pito o whistle.
11. Miyembro ko sa una sa usa ka grupo nga mahiligon mag-longboard
12. Akong ideal girl kay simple, down to earth, adunay sense of humor, ug mahiligon pud og iring.
Kusog siya karon sa mga kabatan-onan busa mabinantayon gyud siya kanunay sa iyang ipanglitok sa kahanginan.
Giseguro niya nga makahatag siya og kalingawan ug katagbawan ngadto sa music lovers pinaagi sa iyang programang Otaku Hour matag Sabado 8-10 pm sa Oomph Radio 105.1.
- Latest
