Pokwang kapang-kapa na si Benjie
Ang boyfriend na si Lee O’Brien ang escort ni Pokwang sa premiere night ng Wang Fam ng Viva Films sa November 17.
Tawanan ang press people sa sagot ni Pokwang na hindi niya binibigyan ng datung ang BF dahil masaya na siyang bigyan siya nito ng anak.
Siguradong mag-i-enjoy at tatawa nang husto ang BF ni Pokwang ‘pag napanood ang Wang Fam dahil trailer pa lang nito ay hahagalpak ka na sa katatawa. Sa Nov. 18 ang opening ng pelikula sa direction ni Wenn Deramas.
Kapareha ni Pokwang sa pelikula si Benjie Paras at dahil nagkasama na sila sa Nathaniel, wala nang ilangan ang dalawa. Magkatinginan lang daw sila ay alam na nila ang gagawin.
Ibinalita ni direk Wenn sa presscon na tapos na ang movie at masaya siya at walang maireklamo.
Sunshine gusto na ulit magtaray
Maniwala kayo kay Sunshine Dizon, nakakasawa kung laging mabait ang ginagampanang role. Kaya naman ni-request niya sa GMA 7 na ibalik siya sa kontrabida role. Wish granted ito, dahil kontrabida siya ulit sa primetime soap na Little Nanay.
Ginagampanan ni Sunshine ang role ni Helga Vallejo, bunsong anak ni Don Miguel (Eddie Garcia) na hindi sang-ayon sa apo nitong si Tinay (Kris Bernal). Sa teaser na ipinalabas sa presscon, kita agad ang husay ng aktres sa kanyang role.
Reunion nina Sunshine at Eddie ang Little Nanay dahil una silang nagkasama sa Kung Mawawala Ka at mag-ama rin ang kanilang role.
Laging problemado si Sunsine sa serye pero sa totoong buhay, masaya siya sa piling ng kanyang mister at dalawang anak. Suportado ng asawa ang kanyang career kaya patuloy siyang nag-aartista.
Kinorek pala ng network ang unang nabalita na pagkatapos ng 24 Oras ang time slot ng Little Nanay bukas dahil mauuna pa rin ang Marimar. Ang Beautiful Strangers ang mahuhuli sa line-up.
Marian hindi papalitan ni Maine
Pati ang director ng Sunday PinaSaya ay na-i-stress sa pinagdedebatehan ng ilang AlDub Nation fans at fans nina Julie Anne San Jose at fans nina ni Marian Rivera at Dingdong Dantes dahil sa papalit kay Marian sa Judge MD segment ng naturang show.
Kahit sinabi na ni direk Rich na wala kina Marian at Julie Anne ang papalit, tuloy pa rin ang sagutan ng fans. May ilang fans na galit kay Marian at hindi na raw manonood ng Sunday PinaSaya dahil hindi nasunod ang request nilang si Maine Mendoza ang ipalit muna kay Marian o kaya’y i-guest sa show. Sabi tuloy ni direk Rich, “Don’t know why everyone is suddenly hating on Marian and the show. Sigh!”
Michael V at Celebrity Bluff nominado sa Asian TV Awards
Si Michael V lang ang nominado sa 20th Asian TV Awards na yearly ginagawa sa Singapore. Ito ang taon na dalawa lang from the Philippines ang nakasama sa nominees sa maraming category ng awards.
Si Michael V ay nominated sa Best Comedy Performer by an Actor para sa Pepito Manaloto ng GMA 7 at nominado na Best Game in Quiz Programme ang Celebrity Bluff hosted by Eugene Domingo.
Sa December 2 and 3 ang awards night na gagawin sa Suntec in Singapore.
- Latest
