Wa pa man diay mopuli...

CEBU, Philippines - Kung si Erik Matti ang pangutan-on, wala pay napili nga aktres aron maoy muhulip kang Angel Locsin alang sa subling paglupad sa Pinoy classic heroine “Darna” sa pelikula.

Sukwahi kini sa unang nabalita nga aduna nay nakit-an ang Star Cinema nga puli kang Angel, human gipahibawo nga dili na siya mahinayon gumikan sa kakulian sa iyang lawas. Nasayran nga adunay disc bulge si Angel ug kinahanglan kini nga operahan sa gawas sa nasud.

Apan si Matti sa balita sa www.pep.ph nagkanayon:  “Wala pa. Mahirap siyang desisyunan kaagad.”

Kun siya maoy pabut-on, buot ni direk Erik nga adunay audition nga ipahigayon aron makit-an ang ihulip kang Angel.

“Ang hirap na biglang nawala si Angel at ang hirap na bigla na lang nag-isip na ganun lang. Then ang tagal naming magkasama ni Angel sa project na ‘yan”, nagkanayon ang director dihang gipangutana sa iyang sentimento.

Pero giklaro niya nga nagkaistorya na sila sa ABS-CBN ug Star Cinema ug mahinayon gayud matud pa ang maong proyekto sa 2016.

Kahinumduman nga nilupad na si Angel isip Darna sa telebisyon niadtong didto pa siya sa GMA7.

Pinoy natagak sa X Factor UK

Ang Pinoy singer nga si  Seann Miley Moore maoy natangtang sa bag-ohay lang nga elimination round  sa The X Factor UK  kagahapon.

Si Seann kinsa  maoy pambato ni  Nick Grimshaw   sa  Boys category, nakakuha og labing gamay nga  percentage sa public votes busa natagak kini uban ni Kiera Weathers. Si Mason Noise maoy nikumpleto sa listahan sa bottom three .

Gikanta  ni Seann sa showdown ang  “A Song For You”ni  Donny Hathaway.

“It’s been an incredible journey but the show must go on,” matud pa ni Seann.

Samtang ang iyang mentor nga si Nick nilenggua og , “I genuinely can’t believe that they were in the bottom 2, I can’t believe Seann is going, I can’t believe.”

Nagtubo si Seann sa  Australia  ug  British ang iyang amahan, samtang Pinay usab ang   iyang inahan.,

Nakasulod gihapon sa sunod nga round sa   “The X Factor UK,”  ang  sister group nga  4th Impact.

Kakai gipanalipdan ni Ahron

Gipanalipdan ni Ahron Villena ang  komedyanteng actress nga si Kakai Bautista kinsa gi-bash human na-link silang duha.

Suma pa sa aktor nga maayong tawo si Kakai busa dili kini angayan nga sawayon.

“Naku kung alam lang nila kung gaano kaganda ang puso at kalooban ni Kakai napakabuti niyang tao,” tsika pa ni Ahron ngadto sa  Push.com.ph.

Taud-taud na nga gidungog ang duha nga duna’y tinagoang relasyon gumikan kay kanunay sila nga masigpatan nga mag-uban sa pagpanuroy.

Nagkaila ang duha sa dihang nagkaabot sila sa usa ka event didto sa Japan.

Apan gitataw ni Kakai  nga susama sila nga single busa duna sila’y kasabotan.

“Malay mo dumating kami sa edad na 40 at pareho pa rin kami single, eh di subukan natin kami na lang,” suma pa ni Kakai.

Suma pa sa komedyanteng aktres nga dili malikayan nga masakitan siya usahay sa mga pagsaway nga iyang madawat kalabot sa ilang kasuod ni Ahron.

Dugang pa niya nga gipaila-ila na nila ang ilang kaugalingon sa tagsa-tagsa nila nga mga ginikanan.

”Ibinilin pa nga siya sa akin ng pamilya niya na alagaan ko daw ito,” dugang pa ni  Kakai.