Natural face

CEBU, Philippines - Gibutyag ni  Heart Evangelista nga wala gyud siya’y giparetoke sa iyang nawong. Apan gitataw sa aktres nga  wala siya’y supak niini  ug girespeto niya ang mga tawong nibuhat niini.

Motigi sa Hunger Games

Masaligon ang Viva Films nga mo-click ang pelikulang  Wang Fam nga ipasalida karong  November 18 bisan pa man makadungan niini ang Part 2 sa  Hunger Games: Mockingjay .Ang maong pelikula gibidahan nila ni  Pokwang, Benjie Paras, Andrei Paras, Yassi Pressman, Candy Pangilinan,  Joey Paras, Atak, ug  Diyosa Pokoh.

Natuman ang pangandoy

Gibutyag ni Maine “Yaya Dub” Mendoza nga gipahunong gyud niya ang iyang driver sa EDSA aron tutokan ug kuhaan og hulagway ang labing una niya nga billboard kauban si Alden Richards kung diin  giindorsar nila ang usa ka soft drinks .”I still remember saying ‘Sana talaga magkaron din ako ng billboard ko someday!’ as a kid. Passing by tons of billboards along the expressway, I used to rest my head on the car window while gaping at those gracefully photographed celebrities/models,” suma pa sa Instagram post ni Maine.

Excited sa Pasko

Naghinam-hinam na si  Ogie Alcasid sa umaabot nga Pasko gumikan kay mobakasyon dinhi sa Pilipinas ang anak nila ni  Michelle Van Eimeren nga sila si  Sarah ug Leila.  Motikang usab ang bana ni  Michelle nga si  Mark Murrow.

Alma tabangan ni Mark

Bisan pa man sa report nga gi-basted si   Mark Herras ni  Winwyn Marquez, nagpabilin gihapon nga suod ang duha. Motabang matud pa si Mark sa kampanya sa inahan ni Winwyn nga si Alma Moreno kinsa modagan pagka-senador sunod tuig.

Segurado na kang Angel

Tsika pa ni Vilma Santos  nga iyaha  na gyud nga napanglantawan nga si Angel Locsin maoy umaabot niya nga daughter-in-law. Matud pa ni Ate V nga responsableng babaye si Angel nga maoy nakapalipay og samot sa iyang anak nga si Luis Manzano.

Paborito ni Marian

Paboritong kaunon ni Marian Rivera karong panahona mao ang isda aron  maseguro nga himsog ang gisabak niya nga bata. Ganahan pud siya og sabaw nga duna’y kamunggay.

Ex-BF mitingog

Nasorpesa si Vice Ganda human nitumaw ang tingog sa iyang ex-boyfriend sa programa niya nga Gandang Gabi Vice. Kanhi kini waiter sa usa ka comedy bar, ug nihulagway kini kang Vice nga maayong tawo bisan pa man nga buwag na sila niini.

Fourth  anniversary

Gisaulog nila ni Vic Sotto ug  Pauleen Luna niadtong Domingo ang ilang ikaupat nga anibersaryo sa ilang relasyon. Nagpanikad na ang duha sa umaabot nila nga kasal karong Enero sunod tuig. Gitataw sa duha nga dili babag ang ilang age gap gumikan kay ang labing importante nga nagkahigugmaay silang duha.

Alex sa  Dance Kids

Si Alex Gonzaga maoy  host sa umaabot nga programa sa ABS-CBN nga  “Dance Kids,” nga magsugod karong Sabado. Bangga kini sa sayaw nga salmotan sa mga bata ug si Johnny Manahan maoy direktor niini.