Buwag na gyud lagi

CEBU, Philippines - Giangkon na ni Jessy Mendiola ang taud-taud na nga report nga nagbuwag sila ni JM de Guzman.

Giangkon kini sa  22 anyos nga  aktres atol sa presscon sa seryeng You’re My Home niadtong Huwebes kung diin duna’y mga nakuryuso sa mga mensahe ni JM sa Instagram nga nag-emote.

Silang duha maoy nagkasinabot nga tak-opon ang ilang relasyon gumikan kay duna pa sila’y tagsa-tagsa ka mga prayoridad.

“It’s better siguro na we focus on our respective priorities. Yun lang naman. I just want to focus on myself first. And that’s the same with him,” nagkanayon si Jessy.

Dugang pa niya, “Siguro may certain time na dadating na magiging okay ako. Siguro ngayon mas mabuti nga ito. It’s God’s way of saying, ‘you have to prioritize other things more than this,” dugang pa niya.

Nagkanayon si Jessy nga duna lang gyu’y mga butang nga dili mahimong ipamugos.

“So nandoon ako, sumusunod lang talaga ako sa daloy ng kung anong nangyayari sa amin, may mga bagay talaga na pag sinasabi mong hindi talaga para sa ‘yo, wag mong ipilit,” matud pa ni Jessy.

Giklaro hinuon sa aktres nga pabilin gihapon ang panaghigalaay nila  ni JM nga gihulagway niya nga maayong tawo.

“He’s an amazing person. He’s very talented. ...And I think why I fell in love with him. He’s a very passionate person,” nagkanayon ang aktres.

Ikaduha na kini nga higayon nga nagbuwag ang duha apan giklaro sa aktres nga hanap pa ang posibilidad nga magkabalik silang duha.